Kulis.az Kənan Hacının “Ən qısa hekayə” müsabiqəsinə göndərdiyi “Dərə kəndin adamları” (462 işarə) hekayəsini təqdim edir.
Qumar gedir. Nərd, domino daşlarının şaqqıltısı avaraçılığın simfoniyasını bəstələyir. Kolodanı qarışdıran cinbala masanın altındaca üç tuzu hazırlayır. Çayçı Vahab “Kazbek”i sümbələyir. Törəboy bir kişi oyundaşına künc masada oturmuş çəlimsiz oğlanı göstərir:
- Heyif bu gədədən, havalanıb deyirlər, şeir-zad yazır.
Hallanmış oyundaşı bir “dərman” şeş qoşa atır:
- Bu da sənün marsun! Gəl görüm tasa!
Törəboy kişi nərdi qapayır.
- Alə, bura dərə kənd diyəllər. Gəl görüm tasa...
Çəlimsiz oğlan manatlığı çaydanın altına qoyub sivişir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər