Kulis.az rus yazıçısı Mixail Jvanetskinin aforizmlərini təqdim edir.
Fikirlər və qadınlar eyni vaxtda gəlmir.
***
O özünü saxlaya bilmədi, zərif ağzını açdı və gözəl bədənini, çimərlik paltarını korladı.
***
Bir ehtiyatsız hərəkət və siz atasız.
***
O qoca axmaqdır. Yaşın bura aidiyyəti yoxdur.
***
Siz heç yalan danışmayan adam görmüsünüz? Onu görmək çox çətindir, çünki hamı onlardan qaçır.
***
Həyat əvəzinə - sağlam həyat tərzi.
***
Həkimlər ona təəccüblənir ki, bu cür müalicə ilə xəstələr necə sağ qalır. Xəstələr də ona təəccüblənir ki, bu cür əmək haqqıyla həkimlər necə sağ qala bilir.
***
Ölkədən yalnız beyinlər yox, həm də əzələlər axın edir, təbii ki, onların beyni varsa.
***
Rusiyanın tarixi cəhalətlə ədalətsizliyin mübarizəsidir.
***
Bizim azadlığımız işıqlarının üçü də eyni vaxtda yanan işıqforu xatırladır.
***
Bizim həyatımız nədir: öyrəşməsən – gəbərəcəksən, gəbərməsən – öyrəşəcəksən.
***
Rusiyada dünyada ilk dəfə müflisləşmiş yoxsullar peyda olub.
***
Qadınların siyasi təsiri gündüzlər çox zəif olur.
***
Ağıllı qadın olmur: olur, gözəl, amma inanılmaz yelbeyin, bir də var, kifir, həm də inanılmaz axmaq qadınlar.
***
Biz seçdiklərimizdən daha ağıllıyıq.
***
Uşaqlar, əgər boğaza qədər zibilə batmışıqsa, əllərimizi işə salaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
