Kulis.az Məsumə Əhədovanın “Ən qısa hekayə” müsabiqəsinə göndərdiyi “Sevimli ölü” (497 işarə) hekayəsini təqdim edir.
Beş nəfər qəhrəmanımızın cansız bədəninin başına toplanıblar.
- Nə tez öldün sən, gözləmirdik...
- Çox cavan idi!
- Və gözəl!
- İstedadlı!
- Xeyirxah!
- Şşşt, -deyə pozur yası onlardan biri- baxın, qımışdı!
- And içə bilərəm ki, mənə göz qırpdı!
- Şəhadət barmağını qaldırdı, ilahi!
- Sağdır ki bu!
- Haqqında dediklərimizi də eşitdi.
- Lənət şeytana, ölü daha sevimlidir.
- Quduracaq!
- Yüksələcək!
- Xoşbəxt olacaq!
- Buna əsla imkan verməməliyik!
İki min il əvvəl Sezara uzanan əllər bıçaqlarını qəhrəmanımızın köksünə sancırlar.
-Öldü, -deyir hər ömürdə Brut doğulan adam- bu dəfə öldü.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər