Aznews.az saytı şairə Mahirə Abdullanın Azərbaycan Yazıçılar Birliyindən (AYB) qovulduğunu yazıb. Saytın yazdığına görə AYB Mahirə Abdulla ilə müqavilə bağlamaqdan imtina edib.
Kulis.Az-a açıqlama verən AYB-nin mətbuat katibi Ədalət Əsgəroğlu şairənin birlikdən çıxarılması məsələsinin açıq qaldığını bildirdi: “Bu məsələ ətrafında müzakirələr gedir. Ancaq Mahirə Abdulla hələ ki, rəsmən Yazıçılar Birliyindən çıxarılmayıb”.
Şairə Mahirə Abdulla isə Kulis.Az-a açıqlmasında məsələdən xəbərsiz olduğunu söylədi: “Mən indi Yazıçılar Birliyindəyəm. Heç nədən xəbərim yoxdur. Dəqiq məlumat olan kimi bu barədə açıqlama verəcəyəm”.
Qeyd edək ki, Mahirə Abdulla – AYB qarşıdurmasına səbəb kimi bir müddət bundan əvvəl Yazıçılar Birliyində Mahirə Abdulla ilə yazıçı Abbas Abdulla arasında yaşanmış xoşagəlməz insident göstərilir.
Mövzunu diqqətdə saxlayacağıq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
