"Avanqard" ədəbiyyat və mədəniyyət jurnalının ikinci sayı çap olunub. Jurnalda Aslan Quliyevin “Vəhşi gözəl” romanı, Əlabbasın “Qonaq ehtiyatı”, hekayəsi, Sevinc Elsevərin, Esmira Məhiqızının şeirləri, Nizami Cəfərovun müsahibəsi, Asif Atanın “Bəşərin tarix qaralaması”, Aydın Dadaşovun “Ədəbiyyatdan kinoya”, Sənan Şəfizadənin Adil Mirseyidin avtoportreti haqqında, Elxan Yaqubovun Xocalı faciəsi haqqında məqalələri, Kənan Hacının Anarın povesti haqqında, Həmid Piriyevin Xanəmirin romanı haqqında tənqidi yazıları çap olunub.

Bundan başqa jurnalda Ayişə Nəbinin tərcüməsində Tomas Eliotun şeir haqqında essesi, Ziyad Quluzadənin tərcüməsində Oğuz Atayın “Təhlükəli oyunlar”, Araz Gündüzün tərcüməsində Aleksandr Qrinin” “Oyuncaq” hekayələri, Ariz Tarverdiyevin tərcüməsində isə Kamran Rəsulzadənin şeirləri yer alıb.

Jurnalda həmçinin bugünkü ədəbi proseslə bağlı aparılan sorğu və “Tənqidçilərin seçdiyi və seçə bilmədiyi yazarlar” yazısı da dərc olunub. Jurnalın üz qabığında və arxasında Adil Mirseyidin çəkdiyi rəsmlər verilib.

Jurnalı Kitabevim.az mağazasından (Nəsimi r., Puşkin k., 32, AK center II mərtəbə (28 may metrosu) əldə etmək olar. Qiyməti 3 manatdır.

• “Cəngi” estrada folklor ansamblı Vyanada
• Azərbaycan-Ukrayna dostluğuna aid film çəkildi
• Yad et məni, aşiqanə yad et! - Günün şeiri