"Möhtəşəm qadın" filmi ilə Çiliyə "Ən yaxşı xarici dildə film" üzrə ikinci "Oskar" mükafatını qazandıran məşhur rejissor Sebastyan Lelio noyabrın 6-da 52 yaşında vəfat edib.
Kulis.az xəbər verir ki, argentinalı rejissorun vəfat xəbərini həyat yoldaşı Amaliya Kassai sosial şəbəkə hesabında paylaşıb.
2017-ci ildə yayımlanan və trans qadın Daniela Veqanın başrolda oynadığı "A Fantastic Woman" filmi Berlin kinofestivalında "Gümüş ayı" mükafatı almaqla yanaşı, Çili cəmiyyətində böyük müzakirələrə yol açmışdı.
Məhz bu filmin yaratdığı ictimai təzyiq nəticəsində Çili parlamenti ölkədə gender mənsubiyyətinin rəsmi şəkildə dəyişdirilməsinə icazə verən tarixi qanunu qəbul etmişdi.
Lelionun digər məşhur ekran işləri arasında "Gloria", Reyçel Vays və Reyçel Makadamsın başrollarda yer aldığı "Disobedience" və Florens Pyunun iştirak etdiyi "The Wonder" filmləri var.
Qeyd edək ki, rejissor son olaraq Qazaxıstan və Çili şairlərindən bəhs edən "Chilean Poet" filminin çəkilişlərinə başlamışdı.
Ana səhifə
Reels
Yazarlar
Xəbərlər