Türkiyənin yeni məzun olan gənc sənətçiləri bir araya toplayan məşhur "BASE" platforması 10-cu yubiley mövsümünə hazırlaşır.
Kulis.az xəbər verir ki, 9–13 dekabr 2026-cı il tarixlərində İstanbulun Akaretler Sıraevlər məkanında keçiriləcək sərgi 42 universitet və 29 şəhərdən seçilmiş 129 gənc rəssamın əsərlərini sənətsevərlərə təqdim edəcək.
Kurator Dərya Yücelin rəhbərliyi ilə hazırlanan builki layihə "X" konsepti ətrafında formalşır.
Roma rəqəmi ilə 10-u ifadə edən "X", eyni zamanda fərqli coğrafiya və nəsillərin kəsişmə nöqtəsini, gənc istedadların hələ kəşf edilməmiş potensialını simvolizə edir.
Sərgi ilə yanaşı, layihə çərçivəsində paralel ekspozisiyalar da nümayiş olunacaq.
Qeyd edək ki, rəngkarlıq, heykəltəraşlıq, fotoqrafiya, keramika və qrafik dizayn daxil olmaqla bir çox sahəni əhatə edən sərgi 5 fərqli binada tamamilə ödənişsiz ziyarətçilərə açıq olacaq.
Ana səhifə
Reels
Yazarlar
Xəbərlər