Kulis.az tanınmış şair Qismətin Elza Seyidcahanın sosial şəbəkələrdə yayımlanan şeirinə yazdığı nəzirəni təqdim edir.
Müqtədir sənətkarımız Elza Seyidcahanın ədəbi aləmdə fırtınalar qoparan "Kokuyorum" adlı etiraf dolu fəlsəfi şeirini oxuyandan sonra qərara gəldim ki, bu bənzərsiz şüur axını nümunəsinə bir nəzirə yazım. Getdik!
Müəllif
Salam.
Balam,
necəsən?
Gecə sən
zəng vurdun
rəng vurdun saçına.
Yaxşı elədin,
əcəb elədin,
tələb elədin -
dedin ki, gəl.
Gəlirəm,
kokum da gəlir,
həyəcanım
şokum da gəlir,
cərəyanım,
tokum da gəlir.
Nar kimi sıxıldım,
sokum da gəlir.
Sonra, sonra, yalnız sonra
sən gərək durub
paltarları dəst edəsən,
məni kokunla məst edəsən.
Geri gəl, geri
buzlu kola,
kartoşka fri,
ikisindən biri -
ya sən, ya da sən.
Dünyamı sirk eləmə,
Allah birdi, şirk eləmə,
məni tərk eləmə.
Boş ver hər şeyi
mən tənha gözəl,
sən Jan Batist Qrenuy,
kokumu duy!
Ver,
əlini ver,
ey milli Parfümer!
İncə-incə səninləyəm,
gündüz-gecə səninləyəm,
mən sadəcə səninləyəm,
gedək küncə, səninləyəm,
Bakı-Gəncə səninləyəm,
vallah məncə səninləyəm.
Odey görürsən
gözəgörünməz bir əl
səhərin üstünə qara boyaq yaxır...
Yadıma düşmüşkən,
özün necəsən? Bişey-mişey çıxır ?
Buzovna-Peredelkino, 2079-cı il.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
