Qazaxıstanın tanınmış rejissoru Milli Dram Teatrında

Qazaxıstanın tanınmış rejissoru Milli Dram Teatrında
15 yanvar 2025
# 15:55

Qazaxıstanın tanınmış rejissoru Fərhad Moldağali Akademik Milli Dram Teatrının qonağı olub. Teatrın direktoru, Əməkdar mədəniyyət işçisi İlham Əsgərov və bədii rəhbər, Dövlət mükafatı laureatı Mehriban Ələkbərzadə Fərhad Moldağali ilə görüşüblər.

Kulis.az xəbər verir ki, görüşdə gələcək əməkdaşlıqla bağlı fikir mübadiləsi aparılıb.

Rejissor yanvarın 11-də “Şükriyyə”, yanvarın 12-də isə “Əsrə bərabər gün” tamaşalarına baxıb, teatrın truppası ilə yaxından tanış olub.

Görüşdə Fərhad Moldağalinin 2025-ci il ərzində Akademik Milli Dram Teatrında tamaşa hazırlaması ilə bağlı ilkin söhbət aparılıb.

Qeyd edək ki, Fərhad Moldağali 1993-cü ildə Qazaxıstanın Semei vilayətində anadan olub. O, eksperimental və innovativ tamaşaları ilə tanınır. Rejissorun “Kulager” tamaşası Çexov adına Beynəlxalq Teatr Festivalına və MDB, Baltikyanı ölkələr və Gürcüstan gənclərinin IV Teatr Forumunda təqdim olunub və böyük maraqla qarşılanıb. İlyas Jansuqurovun eyniadlı poeması əsasında hazırlanan “Kulager” tamaşası Soundrama janrında qurulub.

“Mamluk” tamaşası isə 2025-ci ilin iyul ayında Çexov adına Beynəlxalq Teatr Festivalında nümayiş olunacaq.

Fərhad Moldağali hazırda Qazaxıstan Dövlət Akademik Uşaq və Gənclər Teatrının bədii rəhbəridir, Qazaxıstanda StarTDrama teatr laboratoriyasını təsis edib. Bu laboratoriya eksperimental layihələr üzərində işləyir. O, “Darın” Dövlət Gənclər Mükafatı və Abay yubiley medalı kimi nüfuzlu mükafatların laureatıdır.

# 2289 dəfə oxunub

Oxşar xəbərlər

Azərbaycan və Özbəkistanın milli teatrları əməkdaşlığa başlayır

Azərbaycan və Özbəkistanın milli teatrları əməkdaşlığa başlayır

12:32 27 oktyabr 2025
Zəfər haqqında növbəti  tamaşa

Zəfər haqqında növbəti tamaşa

16:20 22 oktyabr 2025
YUĞ Teatrı Kimera Beynəlxalq İncəsənət və Mədəniyyət Festivalında

YUĞ Teatrı Kimera Beynəlxalq İncəsənət və Mədəniyyət Festivalında

16:11 18 oktyabr 2025
"Yuğ" milli yaddaşa qayıdış kimi... -  Özünəməxsus repertuarı olan teatr

"Yuğ" milli yaddaşa qayıdış kimi... - Özünəməxsus repertuarı olan teatr

10:30 18 oktyabr 2025
Gənc Tamaşaçılar Teatrında yeni tamaşaya hazırlıq  gedir

Gənc Tamaşaçılar Teatrında yeni tamaşaya hazırlıq gedir

11:07 16 oktyabr 2025
Opera Teatrının orkestri Omanda çıxış edəcək

Opera Teatrının orkestri Omanda çıxış edəcək

10:25 9 oktyabr 2025
#
#
Ana səhifə Yazarlar Bütün xəbərlər