Kulis.Az Şəhriyar del Geraninin “Qanlı yanvar” filmi haqda qeydlərini təqdim edir.

“Vahid Mustafayevin "20 yanvar"dan bəhs edən boyavik-fantastik-nadanitik "Qanlı yanvar" filminə on beşcə dəqiqə baxdım. Düz sözümdü. Ciddən. Baxdım!

Plakatı 90-larda məktəbli qızların "Xatirə dəftəri"ndəki qırmızı qələmlə yüksək zövqsüzlüklə, naşıca çəkilmiş "ağlayan gözlər" rəsmlərini xatırladan bu filmlə dostumuz bir daha isbat etməyə çalışdı ki, "baxın, mənim istedadsızlığımın dibi görünmür"!

Bilmirəm, bu film çəkmək, rejissor kimi görünmək, yaradıcı adam pozası almaq ehtiyacı hardan və nədən yaranır. Qəti bilmirəm.

Bircə bildiyim bu: Ki, böylə banal yaradıcılıq cəhdləri yetişməkdə olan gəncliyin, əfkari-ümumiyyədə isə ictimaiyyətin mədəni zövqünə ciddi, dəruni zərbələr vurmaqda. Hansı ki, bu zərbələr cahil din adamlarının İslama vurduğu zərbələrdən heç də geri qalmır. Nədən ki, İslama dəyən həmin zərbələr bugünki halda bəşəriyyət üçün qaçılmaz təhlükəyə çevrilən neçe-neçə radikal dini qruplaşmalara çevrilmiş.

Nəticə:

Nə vaxta qədər ki, böylə bayağı sənət nümunələrinin ərsəyə gəlməsinə qadağalar qoyulmayacaq, gələcək üçün də öylə radikal mədəni qruplaşmaların yaranmasına geniş imkanlar yaranacaq.

P.S. Mirşahin qardaşımız nə təhər şeir yazırsa, Vahid qardaşımız da eyni bədii heysiyyatsızlıqla filmlər çəkir. Bir yekə əmmanı isə deməyə bilmərəm. Hər iki dostumuz peşəkar televiziyonçu! Bu istiqamətdə fəaliyyət göstərib başqa telekanalları da bir balaca ANSləşdirə bilsələr, millət üçün daha böyük iş görmüş sayılar. Başqa heç nə...

• Sel Mikayıl Müşfiqin xatirə muzeyini zədələdi - Foto
• Litvanın Baş naziri Milli Xalça Muzeyini ziyarət etdi
• "Qadın “dır-dır”ı olmasa, bəlkə də ..." - Kişilər niyə bütün gün özünü oda-közə vurur?!