İyulun 20-i, saat 16:00-da “Kitabevim.az” kitab marketində yazıçı Cəlil Cavanşirin “Qadın corabları” romanının təqdimatı keçiriləcək. Cəlil Cavanşir Kulis.Az-a açıqlamasında bildirib ki, “Qadın corabları” romanının oxucular tərəfindən seviləcəyinə şübhə etmir:

“Romanın adından üz qapağına qədər hər xırda detalda oxucunu silkələyəcək bir nüans var. Cəmiyyətimizdə baş verən hadisələr, gənclərin dünyaya baxışı, gəncliyin çarəsizliyi, insani münasibətlər, istedadlı insanlara cəmiyyətin laqeydliyi ön plandadır. Kitab hələ çap olunmamış romanın adı ilə bağlı başlayan müzakirələr xoşuma gəldi. Oxucunu maraqlandıra bilmək çox önəmlidir. Onu da deyim ki, romanda erotik detallar çoxdur. Yaşı 18-dən aşağı olan oxucularıma, növbəti kitaba qədər gözləməyi tövsiyə edirəm. Reallıqla təxəyyül arasında başını itirən oxuculara isə səbir arzulayıram. Əminliklə deyirəm ki, hər bir oxucu öz istədiyini bu kitabdan tapa biləcək.”

“Qadın corabları” müəllifin 6-cı bədii kitabıdır.

Romanın redaktorları Ağa Cəfərli və Şəhriyar Del Gerani, rəssamı Vasif Səftərovdur.

Kitab Hədəf Nəşrlərində çap olunub.

Ünvan: Puşkin, 32, Kitabevim.az kitab marketi (28 May metrosu, Dəmiryol xəstəxanasının yanı, AK center 2-ci mərtəbə)

• Məşhur aktyor azadlığa çıxdı
• Xalq yazıçısı Elçin: "Mən Mehriban Ələkbərzadəni tərifləmirəm, onu..." - Müsahibə
• Azərbaycan beynəlxalq simpoziumda