Azərbaycan Dövlət Gənc Tamaşaçılar teatrının kollektivi növbəti premyeraya hazırlaşır. Kulis.az-a verilən xəbərə görə, A.Tolstoyun «Qızıl açar, yaxud Buratinonun macəraları» əsəri əsasında eyiadlı tamaşanın quruluşçu rejissoru İvitsa Simiç (Xorvatiya), quruluşçu rəssamı Dinka Jeriçeviç (Xorvatiya), bəstəkarı İqor Karliç (Xorvatiya), baletmeysteri Raulya Türkan və geyim üzrə rəssamı isə Aynur Məmmədovadır.

Əsas rolları Gənc Tamaşaçılar Teatrının aktyorları Elşən Çarhanlı (Karabas Barabas), Roza İbadova, Asya Atakişiyeva (Buratino), Seyidşah Məmmədov (Karlo), Gülbəniz Mustafayeva, Günel Məmmədova (Malvina), Səfa Mehdi, Anar Seyfullaev (Pyero), Zümrüd Quliyeva, Fatimə Əliyeva (Artemon), Anar Səfiyev (I Arlekin), Vahid Orucoğlu (II Arlekin), Manaf Dadaşov (Duremar), Zülfiyyə Alhüseynova (Alisa), Elşən Hacıbabayev, Rəşad Səfərov (Bazilio), Vüqar Məmmədəliyev, Ramil Məmmədov (Şuşara), Şəfəq Əliyeva, Almaz Mustafayeva (Tortilla), Natiq Fərzəliyev (Polis rəisi) və başqaları ifa edəcəklər.

Azərbaycan Peşəkar Milli Teatrının 140 və Dövlət Gənc Tamaşaçılar Teatrının 85 illiyinə həsr olunmuş beynəlxalq layihə bu il may ayının 21-də saat 15.00 da və 25-də saat 12.00 da və 14.00 da geniş tamaşaçı auditoriyasına təqdim olunacaqdır.

• "Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?
• Məşhur aktyor dünyasını dəyişdi
• Bu gün Beynəlxalq Abidələr və Tarixi Yerlər Günüdür