Azərbaycan Dövlət Gənc Tamaşaçılar Teatrında türk əsilli bolqar yazarı Panço Pançevin əsəri əsasında hazırlanmış “Dörd əkizin nağılı” tamaşasının premyerası olacaq.

Teatrın direktoru Mübariz Həmidov APA-ya bildirib ki, tamaşanın ilkin baxışı teatrın uşaqlardan ibarət bədii şurasının iştirakı ilə keçirilib və müsbət rəylə qarşılanıb.

Tamaşanın rejissoru Ağalar İdrisoğlu, rəssamı Elşən Sərxanoğludur. Dörd əkiz qardaşın sərgüzəştlərindən bəhs edən tamaşada əsas rolları əməkdar artistlər Naibə Allahverdiyeva, Qəmər Məmmədov, aktyorlar Elnur Hüseynov, Günel Məmmədova, Zümrüd Quliyeva, Anar Şəfiyev ifa edirlər.

• "Köhnə Bakı açıqcalarda" nümayiş etdirilir
• Həmid Herisçi elə bilir ki, AYB-yə üzv olursansa...
• Azərbaycanlı gənc rəssamın Praqada fərdi sərgisi keçirildi

Direktor onu da əlavə edib ki, tamaşada bir aktyor dörd rolu eyni vaxtda canlandıracaq: “Qeyd etdiyim kimi, tamaşada dörd əkiz qardaşdan bəhs olunduğu üçün aktyorumuz Elnur Hüseynov səhnədə dörd qardaşı canlandıracaq. Maraqlısı odur ki, eyni aktyor dörd rolu canlandırmasına baxmayaraq, tərtibat və səhnə geyimləri elə seçilib ki, tamaşaçılar dörd qardaşın dördünü də ayıra biləcəklər”.

• "Köhnə Bakı açıqcalarda" nümayiş etdirilir
• Həmid Herisçi elə bilir ki, AYB-yə üzv olursansa...
• Azərbaycanlı gənc rəssamın Praqada fərdi sərgisi keçirildi