Məşhur yazarın hekayəsi “Tvitter”də yayımlanır

Məşhur yazarın hekayəsi “Tvitter”də yayımlanır
16 iyul 2014
# 11:40

Britaniyalı yazıçı, məşhur “Bulud atlası” romanının müəllifi Devid Mitçell “Tvitter”də yeni hekayəsinin yayımına başlayıb. Kulis.Az-ın xarici KİV-lərə istinadən verdiyi məlumata görə müəllif hekayəni 280 tvitdə yerləşdirəcək.

“The Right Sort” adlanan hekayə 7 gün ərzində fraqmentlərlə təqdim olunacaq.

Hekayə birinci şəxsin-gənc oğlanın dilindən nəql olunur. O, qorxu hissini, gərginliyi yox edən sakitləşdirici valium preparatından istifadə edir və ondan aldığı təəssüratları bölüşür.

Devid Mitçell 1999-cu ildə yazdığı ilk romanı “Ədəbi kabus” John Llewellyn Rhys mükafatını udub. “Bulud atlası” və “9 saylı yuxu” romanları isə müxtəlif illərdə Buker mükafatının qısa siyahısına düşüb.

2003-cü ildə Mitçell Britaniyanın ən yaxşı gənc yazıçıları, 2007-ci ildə isə “Time” jurnalının versiyasına görə dünyanın 100 ən nüfuzlu adamları siyahısına daxil olub.

“Bulud atlası” romanını 2012-ci ildə məşhur alman rejissoru Tom Tıkver ekranlaşdırıb. 102 milyon büdcəsi olan film prokatda 130 milyon dollar gəlir gətirib. Film müxtəlif dövrlərdə cərəyan edən müstəqil əhvalatlardan ibarətdir.

Yazıçının yeni kitabı (The Bone Clocks) bu il çap ediləcək.

Xatırladaq ki, sosial mediada amerikalı yazıçı Cennifer İqan, ingilis yazıçıları Nil Geyman, Filip Pulman da əsərlərini yayımlamaqla eksperiment ediblər.

# 1727 dəfə oxunub

Oxşar xəbərlər

Çexovu yaradan xalq yoxa çıxıb… - Fəxri Uğurlu

Çexovu yaradan xalq yoxa çıxıb… - Fəxri Uğurlu

09:00 10 may 2025
"Mollalıq edirdi, on bir qadını vardı..." - Səməd Vurğunu əks-inqilabçı adlandıran repressiya qurbanı

"Mollalıq edirdi, on bir qadını vardı..." - Səməd Vurğunu əks-inqilabçı adlandıran repressiya qurbanı

09:00 8 may 2025
Himnimizin əsl müəllifi kimdir? - Azər Turan

Himnimizin əsl müəllifi kimdir? - Azər Turan

15:00 5 may 2025
Alverçi, sinəzən, mərsiyəxan Cavid - Bunlar xatirə yox, xətadır!

Alverçi, sinəzən, mərsiyəxan Cavid - Bunlar xatirə yox, xətadır!

12:50 2 may 2025
"Ondan Allahın özü də qorxurdu..." - Mir Cəfər Bağırova yalvaran məşhur yazıçı

"Ondan Allahın özü də qorxurdu..." - Mir Cəfər Bağırova yalvaran məşhur yazıçı

09:00 1 may 2025
Perseyin papağı - Həmid Herisçidən yubiley hekayəsi

Perseyin papağı - Həmid Herisçidən yubiley hekayəsi

12:00 30 aprel 2025
#
#
# # #