Faiq Ağayevdən 30 illik konsert

Faiq Ağayevdən 30 illik konsert
29 dekabr 2017
# 09:52

Dekabrın 28-də Dövlət Təhlükəsizliyi Xidmətinin Mədəniyyət Mərkəzində Xalq Artisti Faiq Ağayevin səhnə fəaliyyətinin 30 illiyinə həsr olunmuş konsert proqramı təqdim edilib.

Tədbirdə Dövlət Təhlükəsizliyi Xidmətinin rəisi, Azərbaycanın Milli Qəhrəmanı, general-leytenant Mədət Quliyev, mədəniyyət və incəsənət xadimləri, tanınmış ifaçılar və digər qonaqlar iştirak ediblər.

Əvvəlcə Xalq Artistinin həyat və fəaliyyətindən bəhs edən, yaxınlarının, sənət dostlarının onun haqqında fikirlərinin əks olunduğu videoçarx nümayiş etdirilib. Konsert proqramı Mədəniyyət Mərkəzinin yaradıcı kollektivinin ifasında Faiq Ağayevin repertuarından mahnıların səsləndirilməsi ilə davam edib. Daha sonra səhnəyə çıxan Faiq Ağayev ona verilən bu dəyərə görə tədbirin təşkilatçısı olan Dövlət Təhlükəsizliyi Xidmətinin Mədəniyyət Mərkəzinə və iştirakçılara təşəkkürünü bildirib, repertuarındakı mahnılardan bir neçəsini ifa edib.

Konsert tamaşaçıların böyük marağına səbəb olub.

Qeyd edək ki, Faiq Ağayev peşəkar səhnəyə 1988-ci ildə gəlib. Həmin il “Bakı payızı-88” respublika müsabiqəsinin qalibi olub. O, 1996-cı ildən Azərbaycan Dövlət Teleradio Verilişləri Şirkətinin (indiki Azərbaycan Televiziya və Radio Verilişləri Qapalı Səhmdar Cəmiyyəti) solistidir. 1995-ci ildə müğənninin “Ola bilməz” adlı ilk albomu buraxılıb. Dövlət tərəfindən yaradıcılığı yüksək qiymətləndirilən Faiq Ağayevə 2000-ci ildə Əməkdar Artist, 2008-ci ildə isə Xalq Artisti fəxri adı verilib.

Pərəstişkarları arasında “Cənab Qızıl Şlyager” adını qazanan Faiq Ağayevin indiyədək 140-dan çox solo konserti olub.

# 853 dəfə oxunub

Oxşar xəbərlər

"Ağacın dönər yemək arzusu inandırıcı deyil" - Hekayə müzakirəsi

"Ağacın dönər yemək arzusu inandırıcı deyil" - Hekayə müzakirəsi

12:00 3 may 2024
Mir Cəfər Bağırov kim idi? - Elçin

Mir Cəfər Bağırov kim idi? - Elçin

17:00 2 may 2024
Sabah olmayacaq... - ADNA faciəsi qurbanlarının xatirəsinə

Sabah olmayacaq... - ADNA faciəsi qurbanlarının xatirəsinə

15:00 30 aprel 2024
Yaz intizarı - Şərif Ağayarın yeni hekayəsi

Yaz intizarı - Şərif Ağayarın yeni hekayəsi

09:00 30 aprel 2024
Balıqçılar - Nadir Yalçının yeni hekayəsi

Balıqçılar - Nadir Yalçının yeni hekayəsi

14:30 29 aprel 2024
Səməd Vurğun ona məktub yazan gəncləri satmışdı? - Anar

Səməd Vurğun ona məktub yazan gəncləri satmışdı? - Anar

12:00 29 aprel 2024
# # #