İki ölkə arasında dostluq və qardaşlığı mədəniyyət sahəsində daha da möhkəmlətmək, türk xalqları “ortaq dil” in yaradılması ideyasının həyata keçirilməsinə dəstək olmaq məqsədi ilə Bakı Uşaq Teatrının kollektivinin bir qrupu Türkiyə Respublikasında səfərdədir. Kulis.az-ın verdiyi xəbərə görə, səfər Bakı Uşaq Teatrı ilə Türkiyənin EKsanat teatrının həyata keçirdiyi “Türk Xalqlarının Teatrı” layihəsi çərçivəsində baş tutub. İki ölkənin aktyorlarının iştirak etdiyi tamaşanın rejissoru İntiqam Soltandır.

“Sıravi Dursun” tamaşasında hadisələr səhra qospitalında baş verir. Hərbi xidmətdən yayınmaq istəyən əsgər min bir bəhanə ilə uzun müddət qospitalda qalır. Qopitalda da öz dələduzluğunda geri qalmayan əsgərin şıltaqlığına dözsələr də, sonda o, öz layiqli cəzasına çatır. Əsgər Dursun hərbi tribunala çağrılır. Premyerası Bakıda keçirilmiş tamaşa 21,22,23 iyunda Gerze şəhərində uğurla nümayiş olunmuşdur. 24 iyunda Merzifon şəhərində, 25 iyunda Samsun, 26 iyunda isə Girəsun şəhərində “Sıravi Dursun” tamaşasının nümayişi nəzərdə tutulur.
Bakı Uşaq Teatrının kollektivinin digər bir qrupunun isə 26-30 iyun Gürcüstan Respublikasının Batum şəhərində keçiriləcək “Folklar” festivalında iştirakı nəzərdə tutulur

• Yeni Oskar qaydaları nə vaxtdan tətbiq olunacaq?
• "Aclıq oyunları" filminin davamı çəkilir
• Azərbaycanın "Avroviziya 2025" təmsilçisinin ilk canlı çıxışı oldu