Kulis.az tanınmış yazıçı və şairlərin bilmədiyimiz bacarıqlarını təqdim edir.

Ənvər Məmmədxanlı

İxtisasca mühəndis olub.

İsmayıl Şıxlı

Toylarda inanılmaz gözəlliklə rəqs edirdi. Ən çox da "Ruhani" havasına oynayardı.

Əli Kərim

Güləşlə məşğul olub

Anar

Rejissor kimi filmlər çəkib

Ramiz Rövşən

Ssenarilər yazır

Fikrət Sadıq

İxtisasca montyor idi. Ömrünün tən yarısını bu işlə məşğul olub. Cavanlıqda hamı onu “İşıq əmi” deyə çağırarmış.

Zəlimxan Yaqub

Peşəkar saz ifaçısı olub.

Nüsrət Kəsəmənli

Aktyor kimi özünü sınayıb. Hətta bir-iki filmdə də rol alıb.

Adil Mirseyid

Əsas peşəsi rəssamlıq olub

Şahmar Əkbərzadə

Uzun illər boksla məşğul olub

Çingiz Abdullayev

Gənclik illərində atçılıq və boksla məşğul olub.

Rəşad Məcid

5 il tar sinfinə gedib. Amma 5 il müddətində “Cücələrim”dən başqa mahnı ifa edə bilməyib.

Seyran Səxavət

Yaxşı səsi olduğunu çox az adam bilir. Yazıçının yaxşı muğam oxuduğu deyilir.

Salam Sarvan

Meyxana demək qabiliyyəti var.

Azad Yaşar

Qrafik rəssamdır.

Aqşin Yenisey

Yaxşı xörəklər bişirir.

Ömər Xəyyam

Muğam oxuyur. Asəf Zeynallı adına Musiqi Kollecinin xanəndəlik sinfini bitirib. Xalq artisti Zabit Nəbizadənin tələbəsi olub.

Cəlil Cavanşir

Abstrakt rəsmlər çəkir.

Mövlud Mövlud

Tanınmış adamları parodiya etmək qabiliyyətinə malik idi.

Əsəd Cahangir

Mahnı bəstələyir. Vaqif Bəhmənlinin sözlərinə yazdığı “Gedək ötürüm səni” mahnısı xüsusilə məşhurdur.

Cavid Zeynallı

Qarmonda ifa etməyi bacarır.

• Kül o kişinin başına ki...
• “Beyrək” pyesində postmodernlə antik mətnlərin dialoqu - Elnarə Qaragözova
• Salam, yaz yağışı, salam, göy üzü! - Fəxri Müslümün yeni şeirləri