Ordum varsa, yurdum var!

Ordum varsa, yurdum var!
26 iyun 2021
# 13:34

Bu gün - 26 iyun Silahlı Qüvvələr Günüdür. Kulis.az bu münasibətlə Xalq şairi Zəlimxan Yaqubun "Ordum varsa, yurdum var" şeirini təqdim edir.

Mənə ordu gərəkdir, xəstəyə dərman kimi,
Mənə ordu gərəkdir, nəfəs kimi, can kimi.
Mənə ordu gərəkdir, sarsılmaz cahan kimi.
Ordum varsa, yurdum var,
Ordum yoxsa, yurdum yox!

Düşmənin yuvasını əlimlə pozmalıyam.
Səngəri dırnağımla, dişimlə qazmalıyam.
Tarixi qələmlə yox, qanımla yazmalıyam,
Ordum varsa, yurdum var,
Ordum yoxsa, yurdum yox!

Gözlər od, əllər silah, canlar sipər olmalı,
Kirpiyimiz sıxılmış yurda çəpər olmalı,
Damarda qan coşmalı, canda təpər olmalı,
Ordum varsa, yurdum var,
Ordum yoxsa, yurdum yox!

Bizə od vuranları yandırıb-yaxan gərək.
Torpağı gözümüz tək qoruyub baxan gərək
Qəzəb dolu tüfəngəm, çaxmağı çaxan gərək
Ordum varsa, yurdum var,
Ordum yoxsa, yurdum yox!

Torpağa sahib olub yer üstə yerləşməsək,
Bir canda, bir ürəkdə, bir ruhda birləşməsək,
Millətin taleyini dürüst fikirləşməsək,
Özgələrdən bizlərə dırnaq qədər yardım yox.
Ordum varsa, yurdum var,
Ordum yoxsa, yurdum yox!

İnamsız bir qartalın qanadları gərilməz,
Döyüşsüz azadlığın meyvələri dərilməz,
Şəhidsiz bir millətin vətən ruhu dirilməz,
Oğullar ola-ola, necə deyim mərdim yox.
Ordum varsa, yurdum var,
Ordum yoxsa, yurdum yox!

# 3735 dəfə oxunub

Oxşar xəbərlər

Azərbaycanın ilk Xalq artisti -  "Tarın Qurbanı"nı Bakıya kim dəvət etmişdi?

Azərbaycanın ilk Xalq artisti - "Tarın Qurbanı"nı Bakıya kim dəvət etmişdi?

13:20 29 avqust 2025
İnsan həyatının absurdluğu - Kamyunun Mersosu ilə Sartrın Roqonteni nəyi anlamağa çalışırdı?

İnsan həyatının absurdluğu - Kamyunun Mersosu ilə Sartrın Roqonteni nəyi anlamağa çalışırdı?

09:00 21 avqust 2025
Azərbaycan təsviri incəsənətinin özünəməxsus üsluba malik neorealist rəssamı

Azərbaycan təsviri incəsənətinin özünəməxsus üsluba malik neorealist rəssamı

13:00 20 avqust 2025
Hər şey yaxşıdır - Alov İnannanın yeni hekayəsi

Hər şey yaxşıdır - Alov İnannanın yeni hekayəsi

09:00 20 avqust 2025
Tapıntı - Səidbəy Arsanovun hekayəsi

Tapıntı - Səidbəy Arsanovun hekayəsi

12:00 19 avqust 2025
Orxanın hekayəsini kim danışır? - Mətanət Vahid

Orxanın hekayəsini kim danışır? - Mətanət Vahid

14:38 5 avqust 2025
Ana səhifə Yazarlar Bütün xəbərlər