Stiv Cobsun kitabında erməni şoku

Sənət

Ana səhifə
Sənət

Stiv Cobsun kitabında erməni şoku

21 sentyabr 2011

21:03

“Apple” şirkətinin yaradıcısı Stiv Cobs bioqrafik kitabında onu övladlığa götürən Cobs ailəsi barədə yazarkən, anasının türk-erməni hadisələrində Anadoludan ABŞ-a köçən erməni bir ailənin qızı olduğunu qeyd edib.

Xərçəng xəstəliyindən əziyyət çəkən və vəzifəsindən istefa verən Stiv Cobs şəxsi həyatında ən gizli məqamları Bencamin Franklin və Albert Enşteynin bioqrafiya yazarı Uolter İsaaksonla paylaşıb.

Noyabrın 21-i satışa çıxacaq kitabın yazılması hələ başa çatmayıb. Alınan məlumatlara görə, kitab yazarla Cobsun üz-üzə görüşləri zamanı söhbətlərindən hazırlanacaq.

“Mənim əsl ailəm”

Bildiyiniz kimi, Stiv Cobs doğulan kimi Cobs ailəsi tərəfindən övladlığa götürülüb. Cobs doğma ailəsini həmişə bioloji valideyn olaraq görür, övladlığa götürüldüyü Cobs ailəsini isə əsl valideynləri hesab edir.

56 yaşlı Cobs öz ərəbəsilli bioloji valideynləri ilə heç əlaqə saxlamayıb. Hətta bioloji atasının bu yaxınlarda “bir çay içək” dəvətinə belə cavab verməyib.

Anadoludan ABŞ-a köç

Kitabda Stiv Cobs onu böyüdən Pol və Klara Cobs cütlüyü haqda danışarkən anası Klara Cobsun əsl adının “Klara Hakopyan-Cobs” olduğunu deyib.

Klara Cobsun ailəsi 1915-ci ildə gərginləşən türk-erməni hadisələrindən sonra ABŞ-a köçüb. Atasının adı Luis Hakopyan, anasınınkı isə Viktoriya Artinyan olub. Luis Hakopyan 1894-cü ildə Malatyada, Viktoriya Artinyan isə eyni ildə İzmirdə doğulubmuş.

"Qürur duymadığım bir çox şey etmişəm, amma öyrənilməsindən qorxduğum heç bir şey yoxdur”, - deyən Cobs kitabın yazarı Uolter İsaaksona və yazacaqlarına qarışmayacağına söz verib.

600 səhifədən ibarət olacaq kitab artıq Amazon.com saytında ən çox satılanlardan olub. Kitab 500 min nüxsə ilə çıxarılacaq.

"Steve Jobs" bioqrafiyasını yazan Uolter İsaakson Aspen İnstitutunun baş direktorudur. CNN-də və TİME jurnalında yüksək postlarda çalışıb. Benjamin Franklin, Albert Enşteyn, Henri Kissincerin bioqrafiyalarını yazıb.

Günel ƏSGƏRZADƏ