Tanrım, sonda nə var? - Rüstəm Behrudidən yeni şeir

Rüstəm Behrudi, şair

Rüstəm Behrudi, şair

10 iyun 2025
# 18:01

Kulis.az Rüstəm Behrudinin "Ömür bulaq kimidir" adlı şeirini təqdim edir.

Ömür bulaq kimidir.
Qış yas tutar, yaz ağlar.
Hər kəsin öz dərdi var,
Heç kimə deməz, ağlar.

Sən, ey çopur baş daşım,
Kim vardı səndən əvvəl?
Bilirəm, sən bilirsən,
Nə vardı sondan əvvəl?

Ömür bitdi beləcə.
Nə mən bildim, nə də sən.
Başdaşımdan o yana
Nə görsənir, görəsən?

Nə görsənir, ilahi?
Nəyim qaldı, nə qurum?
Mən varam, bir də boşluq,
Bir də dəli bir uçurum.

Ah bu uçurum, bu boşluq,
Bu cənnət, bu cəhənnəm.
Tanrım, sonda nə var? – De
Mən heç kimə demərəm.

Kim var orda, görəsən?
Arı da yox, şan da yox.
Baş qoyub yaslanmağa,
Bir quru yovşan da yox.

Bir dəstəksiz qapıyam,
Nə açan, nə döyən var.
Gedərdim, bilsəm, orda
Məni bir gözləyən var.

Ömür bulaq kimidir.
Qış yas tutar, yaz ağlar.
Hər kəsin öz dərdi var.
Heç kimə deməz, ağlar.

# 899 dəfə oxunub

Oxşar xəbərlər

Mənə tutmadığın toy unudulsun - Vüsal Yurdoğlunun şeirləri

Mənə tutmadığın toy unudulsun - Vüsal Yurdoğlunun şeirləri

18:36 11 iyul 2025
Bəzən ayaqqabı olmaq keçir içimdən... - Tural Balabəylinin şeirləri

Bəzən ayaqqabı olmaq keçir içimdən... - Tural Balabəylinin şeirləri

11:40 3 iyul 2025
Hər kim yüz il yaşamasa... - Günün şeiri

Hər kim yüz il yaşamasa... - Günün şeiri

17:41 2 iyul 2025
"Səni görəndə dəniz də ağzının suyun axıdır" - Yeni imza

"Səni görəndə dəniz də ağzının suyun axıdır" - Yeni imza

15:04 1 iyul 2025
Burada da güllələyirlərmi gecə itləri?- Hikmət Orhunun yeni şeirləri

Burada da güllələyirlərmi gecə itləri?- Hikmət Orhunun yeni şeirləri

16:00 24 iyun 2025
Acım acıdır, şirinim xoş gəlməz daha - Şaiq Vəli

Acım acıdır, şirinim xoş gəlməz daha - Şaiq Vəli

14:12 23 iyun 2025
# # #