Olimp dağı UNESCO-nun Ümumdünya İrsi Siyahısına daxil edilib.
Kulis.az xəbər verir ki, Yunanıstanın 12 illik təşəbbüsü nəticəsində Olimp dağı Cənubi Koreyanın Busan şəhərində keçirilən UNESCO-nun Ümumdünya İrs Komitəsinin 48-ci sessiyasında yekdilliklə siyahıya alınıb.
"Fövqəladə ümumbəşəri dəyərə" malik təbiət və mədəniyyət obyekti kimi qəbul edilən dağ rəsmən bütün bəşəriyyətin ortaq irsi elan olunub.
Həmçinin komitənin eyni sessiyasında Normandiya desantının çıxarıldığı 5 sahil, Yaponiyanın qədim paytaxtları Asuka və Fucivara və Özbəkistanın Daşkənd şəhərinin modern memarlıq irsi də sözügedən siyahıya əlavə edilib.
Qeyd edək ki, hündürlüyü 2918 metr olan Olimp dağı Yunanıstanın ən hündür zirvəsidir və qədim yunan mifologiyasına görə, Zevs başda olmaqla 12 tanrının məskəni sayılır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər