Bu gün məşhur fransız yazıçı, dramaturq Alfons Dodenin doğum günüdür.

Kulis.az onun əsərlərindən sitatları təqdim edir.

Ağrı həmişə əziyyət çəkən üçün yenidir, lakin ətrafındakılar üçün orijinallığını itirir.

***
Danışmamışdan əvvəl gülümsəyən kişiyə etibar etməyin.

***
Ədəbiyyatda paslanmış silahı götürməyə qarşı heç bir qanun yoxdur; önəmli olan bıçağı itiləmək və qulpunu əlinə uyğunlaşdırmaq üçün yenidən düzəldə bilməkdir.

***

Günlər nə qədər uzundur, illərsə nə qədər qısadır!

***
İnsan xoşbəxt deyil: xoşbəxtlik yalnız bədbəxtliyin səssizliyidir.

***
İnsanların sevgiyə olan ehtiyacı təbiətin günəşə olan ehtiyacı qədərdir.

***
Kişi ilə ağılla, qadınla ürəklə, axmaqla isə qulaqla danış.

***
Məhkum azadlığı olduğundan daha gözəl görür.

***
Mənim təxəyyülüm kitabdan onun içində dolaşa biləcəyi bir çərçivə təmin etməkdən başqa bir şey tələb etmir.

***
Mənim üçün roman tarixə heç vaxt düşməyəcək insanların hekayəsidir.

***
Musiqi başqa planetdir.

***
Nifrət zəiflərin qəzəbidir.

***
Roman insanların hekayəsidir, tarix isə padşahların romanıdır.

***
Sevən qadının fədakarlığı ölçüyə gəlmir.

***

Sevgi qınamır, sevgi təmizləyir və qaldırır.

***
Sevgi yer üzündəki ən böyük və yeganə sərvətdir.

***
Son illərdə rəssamlığın təsirinə məruz qalan ədəbiyyat indi musiqinin təsiri altına düşərək musiqi kimi səs-küylü, eyni zamanda ifadəsiz hala gəlib.

***

Şairlər hələ də dünyaya uşaqların gözü ilə baxa bilən insanlardır.

***

Uşaqlar böyüklər kimidir; başqalarının təcrübəsi onlara heç vaxt fayda vermir.

***

Yaxşı şeir şimşək çaxması ilə işıqlanan mənzərə kimi olmalıdır.

***
Zəmanəmiz hətta partlayıcı maddədən də təhlükəli olan sözlə qorxulu oyunlar oynamaqdadır.

• Saflıq və uşaqlıq travmasına hiperrealist şərh - Qotfrid Helnvaynın "“Zərərsizlərin pıçıltısı” tablosu
• Nepaldakı daşqın mədəni irsi yox edə bilər
• Madriddə MAMA “Ana təbiət” beynəlxalq incəsənət sərgisinin açılışı oldu