“Qanun” Nəşriyyatının rəhbəri, Şahbaz Xuduoğlu Azərbaycan Prezidenti İlham Əliyevə müraciət edib.

Naşir məktubunda Vergilər Nazirliyi tərəfindən “Qanun” nəşriyyatının cərimə edildiyini xatırladaraq cərimə sanksiyasının nəşriyyatın işini iflic vəziyyətə saldığını bildirib: “Vergi cəriməsinə qədər biz hər gün iki adda kitab nəşr edirdik. 70 tərcüməçi və redaktor ilə əməkdaşlıq edirdik. 50-dən çox işçimiz var idi. İndi isə həftəyə 1 kitab nəşr edə bilmirik. Tərcüməçilərin bir hissəsi – qorxudan, digər hissəsi isə maliyyə probleminə görə bizimlə əməkdaşlığı dayandırdı; işçilərimizin yarıdan çoxu işdən çıxdı; əməkhaqlarını verə bilmirik.

Əməkdaşlıq etdiyimiz 150 xarici yazarın qonorarını ödəyə bilmirik. Onların arasında Nobel mükafatçıları da var. Patrik Modiano, Le Klezio, Orhan Pamuk, Herta Miller, Nəcib Mahfuz, Jon Maksvel Kutze, Haruki Murakami, Den Braun, Paulo Koelyo, Aqata Kristi, Stiven Kinq, C.K.Rolinq və s. Hər 3 aydan bir adların çəkdiyim yazarların agentlərindən ödəmə kağızı alıram, qonorar ödəməyimi tələb edirlər, hesablarım bağlı olduğundan bunu edə bilmirəm, eyni zamanda düşdüyüm vəziyyəti onlara da izah edə bilmirəm.”

Müraciətin sonunda Şahbaz Xuduoğlu Prezidentin nəşriyyatı xilas edəcəyinə ümid bəslədiyini bildirib.

• Məmməd İsmayıl palataya köçürüldü
• "Manifest"in Türkiyə konsert turu ləğv edildi
• Türkiyədə məşhur kanallar dövlət nəzarətinə götürüldü