Son günlərin qalmaqallı mövzusuna çevrilən müğənni Elza Seyidcahanın Kulis.az-a göndərdiyi yeni şeirini təqdim edirik.

Tikin məni divarlara

Hörük olum.

Dəlik olum qaranlıqdan

Baxanlara

işıq olum

Uçanlara səmalarda

Qanad olum

Selik olum ağızlardan

Axanlara

Tikim, tikim məbəd olum

Nizələrə taxın məni

Tökün məni kuzələrə

Badələrə süzün məni

Zirvələrdə, yüksəklərə

çapın məni

Məşəllərə sancın məni

Tikim sizi qübbələrdə,

naxışlarda.

Sərin məni,

Sərin sular ürəklərə yayılsın.

Vurun məni

Könüllərin zirvəsində

Taxın məni.

Dülgərlərin ən şərəfli

Sənətində döyün məni.

Görün məni

Yuxularınız çin olanda

Sevin məni.

Öyün məni dostlarınızla

masalarda,

Tapın məni axtaranda,

Səpin məni gözlərinizə

Təpin məni.

Çəkin məni, nazımı çəkin

Qurtaran deyil

Tərəzidə yükümə baxın

Seçin məni

Dönən deyil.

Vurun məni mismarlara.

Tikim sizin ağzınızı

Qırxayaq kimi.

Dartım, sıxım sapınızı

Barama kimi.

Geyim cırım corabımı

Çatana kimi.

cırın-cırın

Siz də, geyin, cırın, qaçın

Xəyallara batana kimi.

Tikim sizin ağzınızı

Boğana kimi, yatana kimi.

Çıxan sözün mənasını

Bilim sizin ağzınızdan

Sizə ziyan,

Bizə tiyan,

Ona tikan

Mənə böhtan

Atanların halına baxın

Həkk, həkk, həkk edin.

Soyun məni, soyunum töküm

Kirimi, kirimi belli olum

Kinimi, kinimi

Bələyini büküm, beşiyə atım

Dərəyə çatım, qəbirə baxım

Qorxum qaçım, dağlara çapım.

Göydən yerə daş yağdı

Tikim sizi.

Torpaqdan göyə qar yağdı

Oynadım sizi.

Qaya üstündə qurd yatdı

Didim sizi

Çəmən üstə şeh azdı

Yolu azdı

Tarixlərə göl yazdı

Siz də tikin

Tikin məni

Yaman sözlər,

Yanan sözlər,

Məsh sözlər,

Məst sözlər,

İlahilər oxuyum

Həkk, həkk, kəkk edin

Aşiqləri.

Tərk, tərk, tərk edin

Cahilləri.

08.09.2017

Elza Seyidcahan

• Dostlarını heyran edən rəssam - O, təhsilini niyə yarımçıq qoydu?
• Məlahət Abbasova Türkiyədə yeni filmdə çəkilir
• Romanı vasitəsilə evlənən, müəllimlik hüququndan məhrum edilən türk yazıçı