Şəki Dram Teatrı “Molla Pənah Vaqif ili”nə “Vaqif” tamaşasının nümayişi ilə yekun vurub.

Teatrdan kulis.az-a verilən xəbərə görə, tamaşasını izləməyə gələnlər arasında Şəki Şəhər İcra Hakimiyyətinin və şəhər ictimaiyyətinin nümayəndələri, ziyalılar və şəhər sakinləri olub.

Əsərin müəllifləri Vaqif Aslan və Mərdan Feyzullayevdir. Tamaşaya mərhum rejissor Mərdan Feyzullayev quruluş verib. Rollarda əməkdar artiqs Əbülfət Salahov, İlyas Əsədov, Akif Yusifov, Xanlar Həşimzadə, Aydın Əlibalayev, İqrar Salamov, Rəhim Qocayev və başqaları səhnəyə çıxıb.

Xatırladaq ki, böyük Azərbaycan şairi Molla Pənah Vaqifin anadan olmasının 300 illiyi münasibətilə Azərbaycan Respublikasının Prezidentinin “Böyük Azərbaycan şairi Molla Pənah Vaqifin 300 illik yubileyinin keçirilməsi haqqında” 12 yanvar 2017-ci il tarixli Sərəncamı imzalanmış və icrası ilə əlaqədar geniş Tədbirlər Planı hazırlanmışdır. Həmçinin, M.P.Vaqifin adı YUNESKO-nun “2016-2017-ci illər üçün görkəmli şəxslərin və əlamətdar hadisələrin yubileyləri proqramı”na daxil edilmiş, cari il TÜRKSOY təşkilatına üzv dövlətlərdə “Molla Pənah Vaqif İli” elan edilərək, çoxsaylı tədbirlər keçirilmişdir. Şəki Dövlət Teatrının “Vaqif” tamaşası bu tədbirlər sırasında hazırlanıb.

• Çar onun arvadının şəklini niyə cibində gəzdirirdi? – Puşkini öldürən xəyanət
• Ötən əsrin üç jurnalı transliterasiya olundu
• Kişinin üç bəlası var: su, od, deyingən arvad - Ailə, qohumlar və sevgi