TASS informasiya agentliyi baş direktorunun birinci müavini, Mixail Qusman Parisdə Fransanın mərhum Prezidenti Jak Şirak haqqında lentə aldığı sənədli filmi təqdim edib.

Kulis.az TASS agentliyinə istinadən xəbər verir ki, “Hakimiyyət formulu: Jak Şirak. Sözardı” sənədli filminin premyerasında Fransanın mədəniyyət və elm xadimləri, Paris Sülh Forumunun iştirakçıları, “Trianon dialoqu” Fransa-Rusiya vətəndaş cəmiyyəti Forumunun üzvləri iştirak ediblər. Yarım saatlıq ekran əsəri tamaşaçılar tərəfindən rəğbətlə qarşılanıb.

Mixail Qusman premyeradan sonra deyib ki, onun ekran əsəri “böyük fransız, görkəmli dövlət xadimi və insan haqqındadır”. O xatırladıb ki, Rusiya Prezidenti Vladimir Putin Jak Şirakın vəfatından əvvəl jurnalistlərin sualına cavabında bildirib ki, əcnəbi həmsöhbətləri arasında onda ən böyük təəssürat doğuran məhz Şirak olub. M.Qusman özünün “Hakimiyyət formulu” proqramı üçün fransız liderdən iki dəfə müsahibə aldığını, onun dərin zəka və xarizmaya malik olduğunu diqqətə çatdırıb. Əlavə edib ki, film böyük siyasətçiyə sevgi hissi ilə lentə alınıb.

• Avtobusda pivə içən qız, dostuna xəyanət edən tələbə - Prusta meydan oxuyan Azərbaycan yazıçısı kimdir?
• “Aprel döyüşləri” ilə əlaqədar silsilə materiallar hazırlandı
• Coli və Pit cütlüyünün qızı seçimini etdi