Ölkəmiz Moskva Beynəlxalq Kitab Sərgisində

Ölkəmiz Moskva Beynəlxalq Kitab Sərgisində
7 sentyabr 2017
# 10:04

Rusiya paytaxtında 30-cu Moskva Beynəlxalq Kitab Sərgisi Yarmarkası başlayıb.

APA-nın Moskva müxbirinin məlumatına görə, Ümumrusiya Sərgi Mərkəzində (VDNX) keçirilən və kitab sahəsində dünyanın ən nüfuzlu sərgilərindən sayılan tədbirdə Azərbaycan öz stendi ilə təmsil olunur.

Azərbaycanın stendini Mədəniyyət və Turizm Nazirliyi təşkil edib. Nazirliyin Kitab dövriyyəsi və nəşriyyatlarla iş şöbəsinin baş məsləhətçisi Elbəy Əli Azərbaycanın hər il Moskva Beynəlxalq Kitab Sərgisi Yarmarkasında iştirak etdiyini söyləyib: “Azərbaycan Mədəniyyət və Turizm Nazirliyi təkcə Moskvada deyil, dünyanın bir sıra ölkələrində keçirilən kitab sərgilərinin mütəmadi iştirakçısıdır. Moskva Kitab Sərgisi Yarmarkası dünyada sayıb-seçilən sərgilərdən biridir. Bu ilki tədbir yubiley tədbiridir. Sayca Moskvada keçirilən 30-cu kitab sərgisidir. Bu sərgidə nazirliyimizin nümayəndələri ilə yanaşı, Respublika Gənclər Kitabxanasının, Azərkitab Kitab təminatı Mərkəzinin nümayəndələri və kitab müəllifləri iştirak edirlər”.

E. Əli rusiyalı oxucuya bu gün Azərbaycanın dövlətçiliyi, tarixi, mədəniyyəti, turizm potensialı və ən əsası Dağlıq Qarabağ münaqişəsi haqqında tarixi həqiqətləri əks etdirən 150 addan çox kitabın təqdim olunduğunu söyləyib: “Qarabağ həqiqətləri və erməni işğalı ilə bağlı nümayiş etdirdiyimiz kitabların sayı kifayət qədərdir. Azərbaycan tarixi və mədəniyyəti haqqında rusiyalı oxucunun kitablar vasitəsilə məlumata malik olması sərginin bizim üçün əhəmiyyətini artırır”.

Nazirlik nümayəndəsi sərgidə nümayiş olunan kitabların əksəriyyətinin rus dilində olduğunu qeyd edib: "Bununla yanaşı, Azərbaycan dilində və ingilis dilində olan kitabları da nümayiş etdiririk. Sərgi bu gün işə başlayıb. Lakin buna baxmayaraq Azərbaycanın stendinə maraq böyükdür”.

Qeyd edək ki, Rusiya və bir sıra ölkələrin iştirak etdiyi Moskva Beynəlxalq Kitab Sərgisi Yarmarkası sentyabrın 10-dək davam edəcək.

# 2392 dəfə oxunub

Oxşar xəbərlər

Rus yazıçı:  "Puşkinlə hər şey daha asandır"

Rus yazıçı: "Puşkinlə hər şey daha asandır"

18:01 29 avqust 2025
Despot atasına nifrət bəsləyən, yetkin qadınlarla dostluq edən əfsanəvi "Pop Kralı" - Maykl Cekson niyə Elvis Preslinin qızı ilə evlənmişdi?

Despot atasına nifrət bəsləyən, yetkin qadınlarla dostluq edən əfsanəvi "Pop Kralı" - Maykl Cekson niyə Elvis Preslinin qızı ilə evlənmişdi?

17:00 29 avqust 2025
"Yıxılıb-duran adam “çovdarlıqda uçurumdan qoruyan” ola bilməlidir..." - Mətanət Vahid

"Yıxılıb-duran adam “çovdarlıqda uçurumdan qoruyan” ola bilməlidir..." - Mətanət Vahid

16:50 29 avqust 2025
Şəbnəm Tovuzlu da  Rusiyaya buraxılmadı

Şəbnəm Tovuzlu da Rusiyaya buraxılmadı

16:50 29 avqust 2025
Çingiz Mustafayev hansı sirləri özü ilə apardı? - Xocalı faciəsinin pərdəarxası

Çingiz Mustafayev hansı sirləri özü ilə apardı? - Xocalı faciəsinin pərdəarxası

16:30 29 avqust 2025
Niyazi Mehdinin "Kamal Abdullanın diskursları"  kitabı barədə qeydlər - Azər Turan

Niyazi Mehdinin "Kamal Abdullanın diskursları" kitabı barədə qeydlər - Azər Turan

16:05 29 avqust 2025
#
#
Ana səhifə Yazarlar Bütün xəbərlər