Kulis.az-ın əməkdaşları kinotənqidçi Sevda Sultanova və yazıçı Samirə Əşrəfə "Əli bəy Hüseynzadə" mükafatı təqdim olunub.

Oktyabrın 14-də Yazıçılar Birliyinin Natəvan klubunda "Ədəbiyyat qəzeti" yayınları seriyasından yeni çap olunmuş 5 kitabın təqdimat mərasimi keçirildi.

Kulis.az-ın verdiyi xəbərə görə, bunlar Sevda Sultanovanın "Ekranlaşdırılmış bədii əsərlər" , Samirə Əşrəfin "Dördüncü divar", Əyyub Qiyasın "Ədəbiyyat üzrə Nobel mükafatçıları", Günel Eyvazlının "Esselər" və tərtibçinin "Müstəqilliyin ədəbiyyatı müzakirə disskursunda" kitablarıdır.

Təqdimat mərasimində Yazıçılar Birliyinin sədri Anar, gənclərlə iş üzrə katib Rəşad Məcid, "Ədəbiyyat qəzeti"nin redaktorları, Nizami adına Ədəbiyyat institutunun nümayəndəsi çıxış edərək layihə haqda, "Ədəbiyyat qəzeti" haqda danışdılar, müəlliflər haqda xoş sözlər dedilər, qəzetin baş redaktoru Azər Turanı belə maraqlı layihəyə görə təbrik etdilər.

Həmçinin mərasimdə bir sıra yazarlar - tənqidçi Cavanşir Yusifli ("Ədəbi tənqidi məqalələrinə görə") , şair Səlim Babullaoğlu ("Bədii tərcümə sahəsində xidmətlərinə görə"), yazıçı Varis ("Ədəbi əsərlərinə görə"), yazıçı-publisist Orxan Fikrətoğlu, yazıçı Əlabbas ("Ədəbiyyat qəzeti" ndə çap olunan hekayələrinə görə), yazıçı Mübariz Örən ( "Balıq gülüşü" hekayələr kitabına görə"), yazıçı Sərdar Amin ( "Ədəbiyyat qəzeti"ndə çap olunan esselərinə, məqalələrinə görə), şair Hədiyyə Şəfaqət ("Ədəbiyyat qəzetində çap olunan esselərinə görə), yazıçı Yaşar Bünyad ("Ədəbiyyat qəzetində" çap olunan hekayələrinə görə), şair Elxan Qaraxanoğlu ("Ədəbiyyat qəzeti"ndə çap olunan oçerklərinə görə), şair Ümid Nəccariyə ("Qaranlığın fotosu”) təltif olundu.

• "Babamın qırxı qurtarmamış bağa gəlib..." - Hacı Zeynalabdin Tağıyevin nəvəsinin söhbətindən
• Elvin Rüstəmzadə: "IV Divar"da türk serialı ab-havası var, çünki..." - "Cümə qonağı"
• Balaca pişik - Furqan Əliyevin hekayəsi