Təmsil ustaları yad edilib

Təmsil ustaları yad edilib
7 may 2019
# 09:43

Firidun Bəy Köçərli adına Respublika Uşaq Kitabxanası və Səbail rayonunda yerləşən 160 nömrəli tam orta məktəbin birgə təşkilatçılığı ilə görkəmli Azərbaycan şairi, tərcüməçi və təmsilçi Hikmət Ziyanın 90, rus yazıçısı və təmsilçi İvan Andreyeviç Krılovun anadan olmasının 250 illik yubileyi münasibətilə ədiblərin yaradıcılığına həsr olunmuş tədbir keçirilib.

Kitabxanadan bildirilib ki, 160 nömrəli tam orta məktəbdə reallaşan tədbirdə unudulmaz şair Hikmət Ziyanın ailə üzvləri, Bakıda Rusiya İnformasiya və Mədəniyyət Mərkəzinin əməkdaşları, Azərbaycanda Rus Dilli Təhsil Müəssisələri Assosiasiyasının sədri Lyubov Yakunina, kitabxananın əməkdaşları və pedaqoqlar iştirak ediblər.

Məktəbin beşinci sinif şagirdlərinin təqdimatında, tədbir iştirakçılarına hər iki ölkənin ədiblərinin həyat və yaradıcılığı haqqında məlumat verilib, həmçinin onların yaradıcılığından ən çox sevilən təmsillər səhnələşdirilib, rəqs kompozisiyaları və mahnılar təqdim olunub. Kitabxananın direktoru, Əməkdar mədəniyyət işçisi Şəhla Qəmbərova tədbirin əhəmiyyətindən danışıb. Bildirib ki, tədbirin təşkilində məqsəd məktəbliləri hər iki ölkənin təmsil ustalarının yaradıcılığı ilə yaxından tanış etməkdir. Qeyd edib ki, rus yazıçısı İvan Andreyeviç Krılovdan ən çox təmsil tərcümə edən böyük şair Hikmət Ziya 3 mindən çox təmsil müəllifi kimi tanınır. Qısa təmsillərinin əksəriyyəti həyat və insan haqqında yazılmış əsərlərdir.

Sonda, tədbir iştirakçıları kitabxana tərəfindən təşkil olunan hər iki ədibin həyat və yaradıcılığını əks etdirən kitab sərgisi ilə tanış olublar.

# 3182 dəfə oxunub

Oxşar xəbərlər

Mehriban Ələkbərzadəyə yeni vəzifə verildi

Mehriban Ələkbərzadəyə yeni vəzifə verildi

18:39 4 fevral 2026
"Sürücü dedi, sənin oğlunam, dedim, biabır oldum” – Valeh Kərimovla müsahibə

"Sürücü dedi, sənin oğlunam, dedim, biabır oldum” – Valeh Kərimovla müsahibə

17:13 4 fevral 2026
Hər işi axıracan görmək lazımdır! - Günün şeiri

Hər işi axıracan görmək lazımdır! - Günün şeiri

16:50 4 fevral 2026
Tankla düşünən general - Həzi Aslanov döyüşdə həlak olmuşdu, yoxsa öldürülmüşdü?

Tankla düşünən general - Həzi Aslanov döyüşdə həlak olmuşdu, yoxsa öldürülmüşdü?

16:00 4 fevral 2026
Vyanada Xalq rəssamı Əşrəf Heybətovun fərdi sərgisi açıldı

Vyanada Xalq rəssamı Əşrəf Heybətovun fərdi sərgisi açıldı

14:50 4 fevral 2026
Qara Qarayevin yaradıcılıq irsinə həsr olunan dəyirmi masa keçirildi

Qara Qarayevin yaradıcılıq irsinə həsr olunan dəyirmi masa keçirildi

14:30 4 fevral 2026
Ana səhifə Yazarlar Bütün xəbərlər