"Evdə oturub ölümümü gözləyirəm”.

Bu sözləri MTV kanalının proqramlarından birində aktyor Valeh Kərimov söyləyib. O, daha sonra bunları əlavə edib:

“Söhbət küskünlükdən getmir. Bekar insanam. Mənim də bekarçılıqdan təmiz zəhləm gedir. Bu sənətə gəlmişəm ki, ömürlük işləyim. Axı niyə kənarda qalım ki? Canım sağ, danışığım yerində, gözlərim görür, qulağım da eşidir. Yaratmaq istəyirəm. Maaş vermə, prezident təqaüdü alıram, amma çalışım. Axı səhnədən ötəri vaxtı ilə atam da danışdırmayıb məni. Səhnəyə hər şeyimizi qurban vermişik, səhnəyə görə gec ailə qurdum. Müəllimim dedi ki ailəlisən? Dedim subay. Dedi, özünü sənətdə tapsan evlənərsən. Gördüm tapmadım, getdim day evləndim. İkisindən birini seçdim. Evdə öz özümə nə qədər monoloq qurum? Məcburam ki, oturum ölümümü gözləyim".

Valeh Kərimov “Bəxt üzüyü” filmindən də danışaraq bu rolun ona çox mane olduğunu etiraf edib:

"İndi-indi hamı mənim öz adımı bilir, indiyə kimi "Moşu", "xalq" deyirdilər. Deyirdilər, xalqın içindən çıxmış insandır. Filmdə xalqın gözəl adətləri göstərilib. Moşunun bir az demaqoqlugu var, istedadsız insandır. Asan yolu seçir, istedadı yoxdur, şair olmaq istəyir. Qafiyə qoşur, düz çıxmır. Amma o rol mənə çox mane oldu. Hamını filmə çəkirlər, məndən başqa. Təkcə filmim elə "Bəxt üzüyü"dür. Bir-iki dəfə məni kinostudiyaya dəvət ediblər. Gördüm pıçıldayırlar ki, sifəti "Moşu"dur, nə rol oynasa da alınmaz. Rədd eliyin getsin. Bu məni çox incidib. Axı məni qrim də etmək olardı başqa obraz üçün".

• Azərbaycan nümayəndə heyəti Beynəlxalq Teatr Festivalında
• ARKA Kann Film Festivalında
• Özbəkistanda Azərbaycan muğamı ilə bağlı ustad dərsləri keçirilib