"Transformerlər" filminin ulduzu Şaya Labaf ABŞ-nin Yeni Orlean şəhərində "Mardi Qra" festivalı zamanı baş vermiş insidentlə əlaqədar üç döyülmə epizodu üzrə təqsirkar olduğunu boynuna alıb.
Kulis.az xəbər verir ki, bu barədə "ABC News" telekanalı məlumat yayıb.
Polisin məlumatına görə, 17 fevral 2026-cı ildə Labaf restoranların birində özünü aqressiv aparıb. İşçi aktyoru çölə çıxarıb və orada o, zərərçəkənlərdən birinə zərbə endirib. Daha sonra aktyor məkana qayıdaraq həmin şəxsə yenidən zərbələr endirib, ardınca isə ikinci şəxsi vurub. Zərbə zərərçəkənin burnuna dəyib.
Məhkəmə Labafa iki illik sınaq müddəti təyin edib. Şərti cəza şərtlərinə əməl olunmasının yoxlanılacağı növbəti dinləmə iyulun 15-nə planlaşdırılıb.
Qeyd edək ki, hələ 2026-cı ilin fevralında "Channel 5 with Andrew Callaghan" yutub kanalına verdiyi müsahibədə Labaf davranışının qəbuledilməz olduğunu etiraf etmişdi. Bununla belə, aktyor asılılıqdan müalicə almaq üçün reabilitasiya mərkəzinə qayıtmaq niyyətində olmadığını bildirmişdi:
"Davranışım çox pis idi. Mən bu məsələni həll etməliyəm. Amma bu o deməkdirmi ki, mən yenidən reabilitasiyaya getməliyəm? Mən bunu istəmirəm. Cavabların orada olduğunu düşünmürəm. Fərqli düşünsəydim, gedərdim".
Məlumat üçün bildirək ki, 2026-cı ilin mart ayının sonlarında Şaya Labafın Yeni Orleandakı evinin yaxınlığında yerləşən tennis klubunun üzvlərini də qorxudub hədələdiyi barədə xəbərlər yayılmışdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər