Beynəlxalq Muğam Mərkəzində (BMM) “Hindistan-Azərbaycan: mədəniyyətlərin qovuşması” adlı tədbir keçirilib.

Kulis.az xəbər verir ki, Hindistanın ölkəmizdəki səfirliyinin təşkilatçılığı və BMM-in dəstəyi ilə reallaşan tədbirdən əvvəl qonaqlar hind mədəniyyətini təbliğ edən kitab sərgisi ilə tanış olublar.

Tədbirdə açılış nitqi söyləyən səfir Sridharan Madhusudhanan Azərbaycan ilə Hindistan arasında əlaqələrdən danışıb. Azərbaycan xalq musiqisini və mətbəxini çox sevdiyini deyən diplomat mədəniyyətlərimiz arasında oxşar cəhətlərin də olduğunu qeyd edib: "Hazırda Azərbaycan Hindistan kinematoqrafçılarının məkan olaraq ən çox müraciət etdikləri ölkədir. Bollivud filmlərinin çəkilişi üçün populyar məkana çevrilən Azərbaycanı daha çox tanıyır və sevirlər. Son üç ildə Azərbaycanda 28 Bollivud filmi lentə alınıb. Eyni zamanda, Hindistandan turist səfərlərində də artım müşahidə edilir..."

• Şans həmişə elə bu cür axmaqların üzünə gülərdi... - Norman Meylerdən sitatlar
• Alim Qasımovun məcnunluğu, Fərqanə Qasımovanın divanəliyi - "Şəbi-Hicran"dan REPORTAJ
• "Duman"ın solistinin mahnısına görə araşdırma başlandı

Səfir Azərbaycanın regionlarına da səfər etdiyini, buranın təbiətini çox sevdiyini, mədəniyyətimizlə yaxından tanış olmaqdan məmnunluğunu ifadə edib. Konsert proqramı ilə davam edən gecədə Hindistan və Azərbaycanda çox sevilən musiqi və rəqs nümunələri təqdim olunub.

• Şans həmişə elə bu cür axmaqların üzünə gülərdi... - Norman Meylerdən sitatlar
• Alim Qasımovun məcnunluğu, Fərqanə Qasımovanın divanəliyi - "Şəbi-Hicran"dan REPORTAJ
• "Duman"ın solistinin mahnısına görə araşdırma başlandı