Türkiyədə aparılan əməliyyatlar çərçivəsində dünən saxlanılan və məhkəmə nəzarəti şərti ilə sərbəst buraxılan aktyor Oktay Kaynarca məsələ ilə bağlı ikinci açıqlamasını yayımlayıb.
Kulis.az xəbər verir ki, aktyor test nəticələrinin cavablarını ictimaiyyətlə bölüşəcəyini bildirib:
"Əvvəlcə yaşadığım proses ərzində haqqımda səsləndirilən ittihamlar qarşısında yanımda duran, dəstəyini hiss etdirən bütün dostlarıma və sevənlərimə təşəkkür edirəm. Bu, illərdir nə qədər düzgün bir mövqedə dayandığımın sübutudur. Bu prosesdə xüsusilə vəzifəsini qanun və nizam çərçivəsində, nəzakəti əldən buraxmadan yerinə yetirən hüquq-mühafizə orqanlarına da təşəkkür etməyi borc bilirəm.
Haqqımdakı ittihamlara bu mərhələdə cavab verməyi lazımsız hesab edirəm. Çünki Məhkəmə Tibb Qurumundan yaxın zamanda gələcək hesabat artıq kifayət qədər cavab olacaq. Hesabat gəldiyi anda onu ictimaiyyətlə şəxsən paylaşacağam. Bundan əlavə, narkotiklə mübarizə mövzusunda bu günə qədər iştirak etdiyim konfranslar gün kimi ortadadır.
Biz dövlətini və millətini sevən insanlarıq. Bu mövzuda bu günə qədər heç kimin şübhəsi olmayıb, olmayacaq və də olmasın. Narkotiklə mübarizə mövzusunda məhkəmə orqanlarının sonuna qədər arxasında olduğumu və hər cür fəaliyyətini dəstəklədiyimi ayrıca qeyd etmək istəyirəm.
Həqiqətlər gec-tez ortaya çıxacaq. Bu prosesdə arxamda duran və mənə inanan hər kəsə təşəkkür edir, sevgi və hörmətlərimi çatdırıram".
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər