Cəfər Cabbarlı adına Respublika Gənclər Kitabxanasında Bakı Dövlət Universitetinin “İnformasiya və sənəd menecmenti” fakültəsinin tələbələri gənc oxucuların iştirakı ilə "Narkomaniya bəşəriyyətin faciəsidir" adlı disput təşkil edib.

Kulis.az xəbər verir ki, kitabxananın Elmi işlər üzrə direktor müavini Günay Həsənova sağlam cəmiyyətin formalaşması üçün narkomaniya ilə mübarizənin mühüm əhəmiyyətə malik olduğunu bildirib. “Bu istiqamətdə yeniyetmə və gənclərin belə zərərli vərdişlərdən uzaq durmalarına nail olmaq və maarifləndirmə tədbirlərində iştirak etmək hər bir vətəndaşın borcudur. Prezident İlham Əliyevin imzaladığı Sərəncamla qəbul edilən “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”da maarifləndirmə məsələlərinə xüsusi yer verilir. Kitabxanada bu səpkidə mədəni-kütləvi tədbirlər, sosial aksiyalar keçirilir. Eyni zamanda kitabxananın fondunda narkomaniya və onun faciəvi nəticələri mövzusunda qələmə alınan ədəbiyyat nümunələri var”,- deyə o əlavə edib.

Tədbirdə “İnformasiya və sənəd menecmenti” fakültəsinin tələbələrinin “Narkomaniya gələcəyimiz üçün böyük təhlükədir”, “Reablitasiya mərkəzlərində narkotik istifadəçilərinə göstərilən qayğı”, “Sağlam gənclik, sağlam nəsil naminə narkomaniyaya yox deyək”, “Narkomaniyaya qarşı həyata keçirilən tədbirlər” mövzusunda çıxışları dinlənilib.

Kitabxananın Metodiki təminat və layihələrlə iş şöbəsinin müdiri Tamella Məmmədova bu gün bəşəriyyəti düşündürən, cəmiyyətin ciddi bəlasına çevrilən, insan cəmiyyətinin mənəvi və əxlaqi dəyərlərinə böyük zərbə vuran narkomaniyanın müasir dövrün ən ağrılı problemlərindən biri olduğunu söyləyib.

Tədbirdə narkomaniyaya səbəb olan amillər, onun acı fəsadları, bu bəladan xilas yolları və narkomaniya ilə mübarizədə təbliğat-təşviqat aksiyalarının vacibliyi, ailə və ətrafın məsələyə məsuliyyətli yanaşmasının zəruriliyi kimi mövzular müzakirə edilib.

Sonda “Narkomaniya – geri dönüşü olmayan yol” adlı videomaterial nümayiş olunub.

• "Mənə güc verən konslagerdəki bir insana olan sevgim idi…" - Gestapo istintaqında səsini itirən Nobel mükafatçısı
• Kinorejissor Vasif Məmmədzadə: “Mövzular “sponsor cəlbetmə gücü”nə görə seçilir” - Müsahibə
• Luvrda su sızıntısı: yüzlərlə arxiv sənədi zərər gördü