Almaniyanın Potsdam şəhər prokurorluğu məşhur aktyor Kristian Ulmenə qarşı istintaqa başlayıb.
Kulis.az xəbər verir ki, bu barədə "RİA Novosti" agentliyi məlumat yayıb.
Ulmenin keçmiş həyat yoldaşı Kolliyen Fernandes aktyoru məişət zorakılığında günahlandırıb. Qadın sənətçinin onu mütəmadi olaraq döydüyünü iddia edir. O, xüsusilə 2022 və 2023-cü illərdə İspaniyada baş vermiş zorakılıq hadisələri barədə hüquq-mühafizə orqanlarına məlumat verib. Aktyorun sabiq həyat yoldaşı onu həmçinin "rəqəmsal zorakılıq"da da ittiham edir. Prokurorluq hazırda bu iddiaları araşdırır.
Məlumata görə, Kolliyen Fernandes bir neçə il yaşadıqları İspaniyada da Ulmendən şikayət edibmiş. Lakin bu ilin aprel ayında Palma-de-Malyorka məhkəməsi istintaqın Almaniya hüquq-mühafizə orqanlarına dövr edilməsi barədə qərar qəbul edib.
Qeyd edək ki, Kristian Ulmen tamaşaçılara "Maço mən", "Kabuslar üçün tələ", "Böyük şəhərdə kişilər", "Berlin blüzü" və "Sevgidə azmışlar" kimi tanınmış layihələrdəki rolları ilə tanışdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər