Mart ayının 11-də, saat 12.00-da Mətbuat şurasının binasında görkəmli jurnalist Məhəmməd Baharlının xatirə tədbiri keçiriləcək.
Kulis.az xəbər verir ki, yubiley yığıncağında Məhəmməd müəllimin qələm dostları, keçmiş iş yoldaşları, Azərbaycan mətbuatının görkəmli simaları, yaxın dostları və qohumları iştirak edəcəklər. Giriş sərbəstdir. Bütün mətbuat nümayəndələri dəvətlidir.
Qeyd edək ki, jurnalist fəaliyyətinə “Azərbaycan gəncləri” qəzetində sıravi müxbir kimi başlayan mərhum M.Baharlı o zamanın məşhur nəşrləri olan “Azərbaycan məktəbi”, “Kənd həyatı”, “Gənclik”, “Molodost” dərgilərinin məsul katibi, “Təhsil” və “Azərbaycan müəllimi” qəzetlərinin baş redaktoru işləmişdir. Xüsusilə, “Azərbaycan müəllimi” qəzeti bu bacarıqlı jurnalistin peşəkarlığının və rəhbər işçi məharətinin üzə çıxmasında müstəsna rol oynayıb
Həyatı təhsillə, pedoqoji mətbuatla sıx bağlı olan Məhəmməd müəllim 2002-ci ildən dünyasını dəyişənə qədər Təhsil Nazirliyinin elmi-metodik jurnalı olan "Azərbaycan dili və ədəbiyyatı tədrisi"nin baş redaktoru vəzifəsində çalışıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər