Lorkanın itmiş əsərləri tapıldı

Media

Ana səhifə
Media

Lorkanın itmiş əsərləri tapıldı

19 avqust 2026

14:20

Siyasi fikirləri və cinsi kimliyi səbəbindən 90 il əvvəl güllələnən Qranada doğumlu məşhur ispan şair, dramaturq Federiko Qarsiya Lorkanın itmiş əsərləri tədqiqatçılar tərəfindən üzə çıxarılıb.

Kulis.az xəbər verir ki, flamenko müğənnisi Migel Poveda Lorkaya aid indiyədək nəşr olunmamış bir şeirin yer aldığı əlyazmanı tapıb.

Əlyazmanın şairə aid olduğu Lorka üzrə mütəxəssis Pepa Merlo tərəfindən təsdiqlənib.

Şairin uşaqlıq illərini keçirdiyi Qranadadakı mənzilinin bərpasından sonra bu kəşflər aprel ayında işıq üzü görən "Las cosas del otro lado. Lo inédito en Federico García Lorca" adlı kitabda cəmlənib.

Tədqiqatçılar həmçinin Lorkanın həbs olunub qətlə yetirilməzdən əvvəl sevgilisinə yazdığı son məktubunu da təhlil ediblər.

Bununla yanaşı, şairin həyat və yaradıcılığından bəhs edən iki bioqrafik filmin 2026-2027-ci illərdə təqdim olunacağı gözlənilir.

Bunlardan biri Kann Kinofestivalında "Ən yaxşı rejissor" mükafatını qazanan "La Bola Negra", digəri isə Fernando Frankonun rejissorluğu ilə Lorkanın həyatının son həftələrini ekrana gətirəcək ekran işidir.