19 – 22 dekabr tarixlərində “Azərbaycan Nəşriyyatları Assosiasiyası”nın (ANAİB) və Mədəniyyət Nazirliyinin birgə təşkilatçılığı ilə I Bakı Kitab Festivalı keçiriləcək.
Kulis.az xəbər verir ki, festival Bakı İdman Sarayında (Keçmiş Əl Oyunları Sarayı) baş tutacaq.
“Yeni ilə yeni kitablarla!” şüarı ilə keçiriləcək festivala ANAİB üzvü olan nəşriyyatlarla yanaşı digər nəşriyyatlar da qatıla, öz kitablarını təqdim edə bilərlər. Yeni il əhval-ruhiyyəsində keçiriləcək sərgidə minlərlə kitab 90 %-dək endirimlə təklif olunacaq, tanınmış yazıçıların, şairlərin təqdimat və imza mərasimləri, məşhurlarla görüşlər, şeir saatları, uşaqlar üçün nağıl və əyləncə saatları, master-klasslar təşkil ediləcək.
Son illərdə keçirilən sərgilərin formatına əlavə kimi festivalda yerli qəzet və jurnallar stendlə təmsil olunacaq.
Festivalda 30-a qədər nəşriyyat iştirak .
Dörd gün davam edəcək festival hər gün 10:00-dan 20:00-dək oxucuların üzünə açıq olacaq.
Giriş sərbəstdir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
