Yazar və yaşam koçu Fidan Əliheydərin ikinci mənəvi inkişaf kitabı – “Dəyişmə!” fərqli formatda oxuculara təqdim olunub.
Kulis.az xəbər ki, musiqili və səmimi atmosferdə keçirilmiş təqdimat mərasimində müəllif kitabın mövzuları ətrafında qısa çıxış edib, qonaqlarla interaktiv söhbətlər aparılıb.
Tədbir müəllifin musiqi ifaları fonunda bədii hissə ilə davam edib.
Fidan Əliheydərin ilk kitabı “Dəyiş!” oxucular tərəfindən böyük maraqla qarşılandığından artıq onun ikinci nəşri də çapdan çıxıb. Beləliklə, oxucular hər iki kitabı – “Dəyiş!” və “Dəyişmə!”ni əldə etmək imkanı qazanıblar.
Fidan Əliheydər bildirib ki, “Dəyiş!” həyatda irəli addımlamaq üçün dəyişikliyə təşviq edən bir yol xəritəsidirsə, “Dəyişmə!” insanın özünəməxsusluğunu qorumağın və daxili gücünü saxlamağın vacibliyini önə çəkir.
Yazarı yaxın zamanda daha geniş oxucu auditoriyası ilə görüş gözləyir. 5 oktyabr, saat 12:00-da Bakı Ekspo Mərkəzində keçiriləcək Beynəlxalq Kitab Sərgisi çərçivəsində Fidan Əliheydərin hər iki kitabının imza günü baş tutacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər