Kulis.az varlıqları ilə dünyamızı, evlərimizi, ruhlarımızı gözəlləşdirən çiçəklər haqqında maraqlı faktları təqdim edir.

Udumbara

1 mm -lik boyu ilə fərqinə varılması olduqca çətin olan Udumbara çiçəyinin əslində çiçək deyil, həşərat yumurtası olduğu artıq məlumdur.

Udumbara Sanksrit dilində “cənnətdən gələn uğurlu çiçək” deməkdir.

Axşamsəfası çiçəyi

Hamımızın bildiyi adıyla "Axşamsəfası"nın kökləri əslində Amerikanın tropik bölgələrinə gedib çıxır.

Çiçəyin maraqlı cəhəti isə axşam açılıb səhər vaxtı bağlanmasıdır.

"Uçan ördək" orxideyası

Avstraliyanın poçt zərfində yer alacaq qədər məşhur olmuş bir çiçək - "Uçan ördək orxideyası"…

Adından da göründüyü kimi, ördəklə oxşar görünüşü ilə heyrətə salır.

Cəsəd çiçəyi

Çiçəklərin həmişə gözəl ətri olduğunu bilirik, amma qoxusuna görə “Cəsəd" çiçəyi adını alan bitki nadir açan və ən böyük çiçək kimi tanınır.

"Meymun" orxideyası

Fotoşəkildə gördüyünüz orxideyanın nə bənzədiyini soruşsaq, nə cavab verərdiniz?

Yanılmadınız; bu çiçək dünyanın hər yerində "meymun orxideyası" olaraq tanınır.

"Vəhşi arı" orxideyası

Dişi vəhşi arıya bənzəyən bu çiçək arıları bu oxşarlığı ilə cəlb edərək özünə çəkir.

"Darth Vader" çiçəyi

Quru kəlləyə bənzəyən bu zəhərli çiçək bütün dünyada “Darth Vader çiçəyi” adı ilə tanınır, "Star Wars" filmindəki obrazın adı ilə eynidir.

"Qundaqlanmış körpələr" orxideyası

Orxideyanın çoxsaylı növlərindən biri olan bu çiçəyin latınca adı "Anguloa unifloradır".

Dodaq çiçəyi

Boya çəkilmiş bir dodağı xatırladan bu maraqlı çiçək Cənubi Amerikanın tropik bölgələrində bitir.

• Braziliyada məşhur rəssamların qravürləri oğurlandı
• “Maqsud Şeyxzadə” bədii filmi çəkiləcək
• Parisdə Baninin 120 illiyi qeyd olunub