Kulis.az dünya sənət tarixini dəyişən 10 ən məşhur rəssamı təqdim edir.

1) Leonarda Da Vinçi (1452-1519, İtaliya)

Dünya tarixinin gördüyü ən böyük rəssamlardan biridir. “Mona Liza” və “Sonuncu şam yeməyi” əsərləri sənət tarixinin əvəzolunmazlarıdır. Dövrümüzdə istifadə etdiyimiz bir çox texnologiyanın çertyojlarını hələ altı yüz əvvəl çəkmişdi.

2) Rembrandt (1606-1669, Hollandiya)

Rəsmdə işığı və kölgələri kəşf etməsi ilə tanınır. 17-ci əsrin rəssamlıq tarixi onunla başlayır.

3) Vinsent Van Qoq (1853-1890, Hollandiya)

Özünəxas rəng çalarları və üslubu ilə fərqlənən sənətçi həyatı ilə də günümüzdə haqqında ən çox danışılan rəssamdır.

4) Salvador Dali (1904-1989, İspaniya)

Dəli-dahi obrazı ilə həmişə diqqət çəkən Dali rəsm sənətində sürrealizmin yaradıcısı kimi tanınır. Günümüzdə də həm obrazı, həm də əsərləri ilə aktualdır.

5) Rafaello (1483-1520, İtaliya)

Renessans dövrünün yaddaqalan siması təkcə rəsmləri ilə deyil, həm də memarlıq nümunələri ilə də məşhurdur.

6) Pikasso (1881-1973, İspaniya)

Kubizmin yaradıcısı. Dövrünün, indinin və gələcəyin dahisi. O, həmişə sənət tarixi üçün maraqlı olacaq.

7) Mikelancelo (1475-1564, İtaliya)

Daha çox heykəltəraşlığı ilə məşhurlaşan rəssam sənət tarixində mifoloji obrazları ilə qalıb.

8) Fransisko De Qoya (1746-1828, İspaniya)

Dindar, sirli, eyni zamanda da ziddiyətli həyatı ilə öz dövründə onun rəsm sənətində rəqibi yox idi. Erotizmin banilərindən hesab edilsə də, tənqidçilər hələ də onun hansı cərəyana mənsub olmasını müzakirə edirlər.

9) Frida Kahlo (1907-1954, Meksika)
Həm həyatı, həm mübarizəsi, həm də sənəti ilə tanınan qadın rəssam. O, avtoportretləri ilə tanınır.

10) Kazamir Maleviç (1878-1935, Rusiya)
Geometrik üslubun yaradıcısı olan avanqard rəssam bir çox nümunələri ilə sənət tarixinin ən böyük simalarındadır. Postmodernist rəssamlığın əsasını qoyanlardan biridir.

• Bakı Beynəlxalq İncəsənət Festivalına gələcək tanınmış qonaqlar məlum oldu
• Elon Mask haqqında çəkilən film nümayiş olunacaq
• Qalib - Aleksandr Qrinin hekayəsi