“Kino ədəbiyyatın vizual halıdır. Bu baxımdan kino ədəbiyyatdan çox yararlandı”.

Kulis.az xəbər verir ki, bu sözləri “Yeşilçam” filmlərinin məşhur aktrisası Türkan Şoray Türkiyənin məhşur ədəbiyyat və sənət dərgisi olan “Varlıq”ın yeni sayında verdiyi geniş müsahibəsində söyləyib. “Yeşilçam”ın “Sultan”ı ədəbiyyatın kinoya yansıması haqqında maraqlı açıqlamalar verib. “ Asya”, “Minə”, “Dila xanım” və “Fəridə” kimi Türk filmlərində bir çox ədəbi əsərin baş qəhramanlarını canlandıran sənətkar sənətin hər qolunun əslində ədəbiyyat olduğuna işarə edərək, kitabların insanın ruhuna girdiyini və kütləni, insanı tanıtdığını deyib:

“Kino ədəbiyyatın vizual halıdır. Bu baxımdan kino ədəbiyyatdan çox yararlandı. Bir çox klassik roman film oldu. İlk “Çalıquşu”nda oynamaq mənim üçün fəxr idi. Kərimə Nadirin bir çox əsərində də çox şükür rol aldım. Çünki ədəbiyyat bizim həyatımızın bir parçasıdır və dünyanı gözəlləşdirir. Gündəlik həyatımda da çox kitab oxuyuram. Demək olar ki, qəzetləri izləyirəm. Evimdə böyük bir kitabxanam var. Bəzi yazıçıların kitablarını təkrar-təkrar açıb oxuyuram.”

Eyni zamanda ssenarist və rejissor olan Türkan Şoray film olaraq çəkmək istədiyi əsərdən də bəhs edib: “Orxan Kamalın əsərlərini çox sevirəm. O, sadə insanların dünyasını elə gözəl qələmə alır ki… “Evlərdən biri” adlı romanına film çəkməyi çox istərdim”.

Uşaq vaxtı oxuduğu ilk kitabın Dostoyevskinin “Alçaldılmışlar” əsəri olduğunu söyləyən Türkan Şoray, “Bu kitab məni düşünməyə və hesablaşmağa vadar etmişdi. Məsələn, gənc qızkən mənim də əl yazısı ilə yazdığım bir şeir dəftərim vardı. Edqar Allan Ponun “Annabel Lee” şeirini oxuyub ağlayırdım. Nazim Hikmətin yaradıcılığı da mənə çox təsir etmişdi. Elə ona görə də poeziyanın, ümumilikdə ədəbiyyatın həyatımda yeri həmişə xüsusi oldu” ifadələrini işlədib.

• “Biblioqrafiyaşünas-alim Sima İsmayılova” adlı kitab sərgisi təqdim olundu
• Suad Qara Məhsəti Gəncəvini niyə "bar qızı" kimi təqdim edir?
• Ədəbi-musiqili proqram: "Səninlə dünyada bəxtiyaram mən"