"Türkiyəyə getməyim anam Nəsibə Zeynalovanın xəstəliyi ilə bağlı idi. İllər əvvəl mənə dedilər ki, Cahangir bəy, sizin Türkiyəyə getməyiniz hamımızı çaşdırdı. Nəsibə xanımın və sizin açmayacağınız qapı yox idi. O zamanlar elə bir nazir yox idi ki, mənə nədəsə köməklik etməsin. Onlar deyirdilər ki, sabah saat 11-də gəl, görüşək. Mən də heç vaxt özüm üçün nəsə xahiş etməzdim".

Kulis.az xəbər verir ki, bu sözləri Əməkdar incəsənət xadimi Cahangir Zeynallı "Söhbət var" verilişində deyib. O, anası, mərhum Xalq artisti Nəsibə Zeynalovadan bəhs edib:

"Nəsibə xanım mənim üçün iki dəfə nazirin yanına xahişə gedib: Birincidə mən əsgər getmək istəyəndə, noyabra kimi gözləmək istəmədim. Murtuz Quliyevin yanına getdik. Nəsibə xanım dedi ki, istəyirəm oğlum indi əsgər getsin. İkincidə isə anam Zakir Nərimanovun yanına gedib bildirdi ki, oğlum Cahangir Musiqili Teatrda işləmək istəmir. O, təyinatının Şəkiyə olmasını istəyir. Başqa məsələdən ötrü mənim üçün xahiş olunmayıb".

C.Zeynallı Türkiyəyə köçməsinin səbəbini açıqlayıb:

"Anam Nəsibə xanım atamın vəfatından sonra iflic olmuşdu. O, böyük stress keçirmişdi. Onu atamdan sonra 10 il yaşada bildim. Dərmanlarını və digər ehtiyaclarını qarşılamaq üçün Türkiyəyə yollandım. Açığı deyim ki, həyat yoldaşımla Türkiyədə 3-5 il yaşamağa getmişdik. Amma getdim, işlər dəyişdi".

• Çadrasını atan ilk azərbaycanlı qadının qətli – İki əsr yaşı olan bina söküləcəkmi?
• "Ruslar bu populyarlığı öz adına çıxır" - Bir mahnının gücü
• "Ertəsi gün evimizi yoxlamaq üçün komissiya gəldi..." - Nazir qızının xatirələri