“Azərbaycan Yazıçı Qadınlar Cəmiyyəti” İctimai Birliyi Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin M.Ş.Vazeh adına Mərkəzi Kitabxanasının birgə təşkilatçılığı ilə “Azərbaycanın zəngin mədəniyyəti var” adlı kitab hazırlayıb.

Kulis.az xəbər verir ki, kitab Ümummilli Lider Heydər Əliyevin Azərbaycanın rəhbərliyinə gəlməsinin 55 illik yubileyinə ithaf olunub.

Kitabın “Ön söz”ündə Ulu Öndərin Azərbaycan xalqının mənəvi, mədəni simasının formalaşmasına, onun dünyanın inkişaf etmiş ölkələri kateqoriyasına tamhüquqlu dövlət kimi daxil olmasına əvəzsiz töhfələr verdiyi qeyd olunur. Həmçinin vurğulanır ki, bu gün Ümummilli Liderin mədəniyyət siyasətini Prezident İlham Əliyev layiqincə davam etdirir. Birinci vitse-prezident Mehriban Əliyevanın Şərqlə Qərb arasında yeni perspektivli əlaqələr yaratdığı, qloballaşma şəraitində milli ənənələrin qorunub saxlanılmasına nail olduğu da diqqətə çatdırılıb.

Kitab 18 bölmədən ibarətdir. Burada Ulu Öndərin mədəniyyət və incəsənət, yaradıcı ziyalılar və mədəniyyət xadimləri, teatr, kino, musiqi, təsviri incəsənət və rəssamlıq, muzey, tarixi-memarlıq abidələri, kitab nəşri və kitabxana, milli adət-ənənələr, ədəbi-mədəni irs haqqında fikirləri və aforizmləri toplanıb.

Yeni nəşrin tərtibçisi, redaktoru və “Ön söz” müəllifi tarix üzrə fəlsəfə doktoru, Fəxri mədəniyyət işçisi Lətifə Məmmədovadır.

Nəşrin məsləhətçiləri yazıçı, publisist Nüşabə Məmmədli, tarix elmləri doktoru, professor Fuad Məmmədov və sənətşünaslıq üzrə elmlər doktoru, Əməkdar mədəniyyət işçisi Alla Bayramovadır. Rəyçilər isə professor Solmaz Amanova və “Azərbaycan dünyası” Beynəlxalq jurnalının baş redaktoru Eldar İsmayılovdur.

• “Mənim heç kimim qalmadı...” - Qacar şahı Əli bəy Hüseynzadəni hansı əsərinə görə ordenlə təltif etmişdi?
• “Xalq şairi Hökümə Billuri -100” adlı kitab sərgisi açıldı
• "Bu qədər yadlaşma kimə gərəkdir?" - Firidun Ağazadə Fikrət Qocanın kötücəsinə şeir yazdı