Moskvada avqustun 30-dan sentyabrın 1-dək “Uşaq ədəbiyyatı dilində: MDB ölkələri və Gürcüstanın uşaq ədəbiyyatı və mütaliə sahəsində əməkdaşlığı” adlı ilk Beynəlxalq Uşaq və Gənclər Kitab Forumu keçiriləcək.

Kulis.az xəbər verir ki, tədbir Rusiya Federasiyasının Mədəniyyət Nazirliyi və MDB dövlətlərinin Dövlətlərarası Humanitar Əməkdaşlığı Fondunun dəstəyi ilə Rusiya Dövlət Uşaq Kitabxanası tərəfindən “Oxucu yetişdiririk” assosiasiyası ilə birgə təşkil olunub.

Forumun proqramı uşaq ədəbiyyatı, tərcümə, illüstrasiyalar və kitab dizaynı, eləcə də rus dilinin, millətlərarası ünsiyyət kimi əsas roluna həsr edilib.

Azərbaycanı beynəlxalq forumda Firudin bəy Köçərli adına Respublika Uşaq Kitabxanasının direktor müavini Zahirə Dadaşova təmsil edəcək. Azərbaycandan başqa forumda Belarus, Qazaxıstan, Qırğızıstan, Rusiya, Tacikistan, Özbəkistan, Gürcüstan və digər dövlətlərdən uşaq yazıçıları, rəssam-illüstratorlar, uşaq kitablarının dizaynerləri, kitabxanaçılar, uşaq ədəbiyyatı və mütaliə sahəsində mütəxəssislər iştirak edəcək.

Qeyd edək ki, spikerlər uşaq və gənclərin mütaliəsi sahəsində ən maraqlı maarifləndirmə layihələri və təcrübələrini bölüşəcəklər.

• Çar onun arvadının şəklini niyə cibində gəzdirirdi? – Puşkini öldürən xəyanət
• Üzeyir Hacıbəyli 140 - Özbəkistan
• “Qərbi Azərbaycan aşıqlarının dastan repertuarı” layihəsinin icrasına başlanıldı