Ay qonşu, bu evin yiyəsi hanı?! - Camal Yusifzadə

Ay qonşu, bu evin yiyəsi hanı?! - Camal Yusifzadə
17 oktyabr 2023
# 11:07

Kulis.az Camal Yusifzadənin "Ay qonşu, bu evin yiyəsi hanı?!" şeirini təqdim edir.

Uzaqdan, uzaqdan,
Çox-çox uzaqdan,
Darıxıb gəlmişəm, qaçıb gəlmişəm,
Ay qonşu, bu evin yiyəsi hanı?

Eyvanda çıxardım ayaqqabımı,
Açdım pəncərəni, açdım qapını,
Görmədim qonağı qarşılayanı...
Ay qonşu, bu evin yiyəsi hanı?

Yağış suvağını yuyur bu evin,
Külək şüşəsini döyür bu evin,
Sükut hay-küyünü qovur bu evin,
Zaman taxtasını ovur bu evin,
Ay qonşu, bu evin yiyəsi hanı?

Qapıda soyumuş bir əl yeri var,
Həyətdə qurumuş ayaq yeri var,
Alça ağacının sol tərəfində
Külü laxtalanmış ocaq yeri var,
Ay qonşu, bu evin yiyəsi hanı?

Uzaqdan gəlmişəm, ay ev yiyəsi,
Darıxıb gəlmişəm, uçub gəlmişəm,
Kül olub gəlmişəm, ay ev yiyəsi.

Hər dəfə,
hər dəfə, ay ev yiyəsi,

Qovrula-qovrula gəlib gedirəm,
Hər dəfə,
hər dəfə, ay ev yiyəsi,
Bu həyət-bacadan,
qonum-qonşudan

Soruşub gedirəm;
Ay qonşu, bu evin yiyəsi hanı?

# 1949 dəfə oxunub

Oxşar xəbərlər

Maykl Cekson, Vudi Allen, Naomi... - "EPŞTEYN QALMAQALI"nda  adı hallanan məşhur sənətçilər kimlərdir?

Maykl Cekson, Vudi Allen, Naomi... - "EPŞTEYN QALMAQALI"nda adı hallanan məşhur sənətçilər kimlərdir?

12:02 5 fevral 2026
“Vəhşi təbiətin super qəhrəmanları”  sərgisi açıldı

“Vəhşi təbiətin super qəhrəmanları” sərgisi açıldı

11:40 5 fevral 2026
Haaqa məktəbinin ən realist rəssamı - O, qohumu Van Qoqa nə öyrətmişdi?

Haaqa məktəbinin ən realist rəssamı - O, qohumu Van Qoqa nə öyrətmişdi?

11:30 5 fevral 2026
“Biblioqrafiyaşünas alim Nadir İsmayılov”  adlı sərgi hazırlandı

“Biblioqrafiyaşünas alim Nadir İsmayılov” adlı sərgi hazırlandı

11:20 5 fevral 2026
"Quran"ı əzbər bilən Qara Qarayev kimdir?

"Quran"ı əzbər bilən Qara Qarayev kimdir?

10:47 5 fevral 2026
"Netflix" BTS-in konsertini canlı yayımlayacaq

"Netflix" BTS-in konsertini canlı yayımlayacaq

10:25 5 fevral 2026
Ana səhifə Yazarlar Bütün xəbərlər