Avropa kitabxanalarından rus klassiklərinin nadir nəşrləri oğurlanıb.
Kulis.az "The Guardian" nəşrinə istinadən xəbər verir ki, 2022–2023-cü illər ərzində Avropanın müxtəlif kitabxanalarından rus ədəbiyyatının klassiklərinə aid ümumilikdə təxminən 170 ədəd nadir nəşr oğurlanıb və ümumi maddi zərər 2,5 milyon funt sterlinqdən çoxdur.
İstintaqın ilkin nəticələrinə əsasən, oğrular xüsusi sxem üzrə hərəkət ediblər: saxta ad və sənədlərlə kitabxanalara müraciət edib, yalnız bağlanmış fondlarda saxlanılan dəyərli kitabları sifariş veriblər.
Bəzi hallarda isə orijinal nəşrləri saxta nüsxələrlə əvəzləyiblər.
2023-cü ilin oktyabrında gənc bir cütlük Varşava Universitet Kitabxanasında XIX əsrə aid səkkiz nadir kitab sifariş edib. Onların kitabxananı tərk etməsindən sonra məlum olub ki, beş dəyərli nəşr yoxa çıxıb.
Sonrakı yoxlamalar nəticəsində bu kitabxanadan ümumilikdə 74 ədəd rus klassiklərinə aid kitabın oğurlandığı müəyyən edilib. Onların arasında Puşkin və Qoqol kimi məşhur yazıçıların əsərləri də olub.
Köhnə və dəyərli nəşrlərin qorunması məqsədilə onlara maqnit etiketləri yerləşdirilmədiyindən oğurluqlar uzun müddət aşkar olunmayıb.
Qeyd edək ki, məlumata görə, oğurlanan kitabların bir qismi beynəlxalq hərraclar vasitəsilə satışa çıxarılmış ola bilər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər