"Əslində, Flora Kərimova mənə yaxşılıq edir, onun sayəsində daha çox sevilirəm, daha çox şənliklərə dəvət alıram".

Bu sözləri “Yeni sabah”a müğənni Afət Fərmanqızı deyib.

"Mən paylaşım edib Rusiyaya köçdüyümü dedikdən bir ay sonra 60 yaşlı müğənniliklə məşğul olan amma bu sahədən xəbəri olmayan kənar bir qadının diktəsiylə Flora Kərimova məni məhkəməyə verdi. Fevral ayında Rusiyaya köçmüşəm, məhkəmə məni may ayında axtarışa verib. Mən məhkəməyə gələ bilməyəcəyimə dair əsaslar gətirsəm də, nəzərə alınmadı. Əgər 5-6 maddə pozuntusuyla iş icraata götürülürsə, burada qərəz olduğunu sezirik. Bir məsəl var, "oğru elə bağırdı, doğrunun bağrı yarıldı", təhqir elədi, indi də nə deyib məhkəməyə verir?!

O, bildiyimə görə, həmçinin, rus vətəndaşıdır, bundan başqa, hətta Polşa vətəndaşlığı olduğu da deyilir. O, gəlsin, Rusiyada məni məhkəməyə versin, burada çəkişək.

O, sənədlərdə "Ələkbər qızı" yox, "Ələkbərovna"dır. Deməli, Rusiya passportu ilə məhkəmələrə müraciət etməsi açıq-aydın ortalığa çıxır.

Bunlar hamısı 60 yaşlı bir qadının işidir. Səbəb də münasibətim korlandığı köhnə dostlarımla barışmağımdır. O da bunu götürə bilmədi. Bununla da məni məhkəməyə verdirdi. Xalq artistini qabağa verib, məndən qisas alacağını düşünür. Mənim Bakıda yaşamadığımı deyənlərə səslənirəm: Mənim guya Ana Yurdum Bakı idimi ki?! Azərbaycanın bütün oliqarxları hamısı Moskvada - mən yaşadığım yerdə yaşayır", - deyə müğənni qeyd edib.

Müğənni daha sonra deyib:

"Xalq artistini mənim əleyhimə qaldıran həmin 60 yaşlı müğənniliklə məşğul olan amma bu sahədən xəbəri olmayan özünə oxşayan başqa birini haqqımda danışdırır. O da guya Moskvada ucuz yerlərdə toy oxuduğumu bildirir. Mənə məkanın ucuz olub-olmamasının nə dəxli var, pul danışılıb, razılaşdırılır. Tiktok-da ucuz məkan məsələsini mənim ayıbım kimi səsləndirir. Əsl ayıb, rəfiqəsinin ərini içirdib, evə salıb uşaq peydahlamaqdır. Sakitləşsin, əks təqdirdə, gələn dəfə həmin prosesin necə dəqiqliklə olmasını mətbuata danışacağam".

• "Odisseya" filmindən rekord
• “AHBAP” dərnəyinə verilən ianələr araşdırılır
• Şöhrət Arifin kitabının təqdimatı oldu