Azərbaycanlı yazıçı Zaur Həsənovun Rusiyada çap etdiyi kitab erməniləri qəzəbləndirib.

Bu barədə Demokrat.az-a Zaur Həsənov özü məlumat verib.

Sözügedən məsələ ilə bağlı Zaur Həsənovun fikirlərini təqdim edirik:

"Hörmətli dostlar,

Təxminən 6 ay əvvəl mən Rusiyada çap olunmuş və Səfəvilər dövləti, xalça mövzusuna həsr olunmuş kitabımı təbliğ etmək üçün “Secret in Carpet” səhifəsini yaratmaq qərarına gəldim. Səhifə son iki ayda nisbətən aktiv formada istifadə olunur. Burada daha çox Rusiyada fəaliyyət göstərən nəşriyyatım üçün çəkdiyim videoları paylaşıram.

İlk növbədə minnətdaram ki, “5-ый Рим” nəşriyyatı video çarxlarımı öz media resurslarında nümayiş etdirir, Rusiya kimi böyük ölkədə Azərbaycan haqqında, Azərbaycanlı müəllif adından bəzi mövzuları işıqlandırmağa şərait yaradır.

Son iki ayda təxminən 61 000 izləyici bu videolara baxıblar, 680 likes, 245 share və 60 comments toplayıblar. İnternet məkanı üçün bu rəqəm ciddi sayıla bilməz, amma diqqət çəkən məqam ermənilərin, xüsusən də Rusiyada yaşayan ermənilərin verdikləri kommentlərdi. Bunların yazdığını oxuyanda bilmirsən güləsən, yoxsa ağlayasan. Xüsusən bunları qədim Bakı kərvansarayları və xalçalarımız haqqında video çarxlar qəzəbləndirib. Şərhlərdə deyirlər ki, dövlətinizin heç 100 yaşı yoxdur, yalanlarınıza görə Allah sizi cəzalandıracaq və sair.

Bu savadsızlar bilmirlər ki, bu tipli komentlərlə yalnız gülünc mənbəyinə çevrilirlər, nə qədər nifrət və paxıllıq işində boğulduqlarını nümayiş etdirirlər".

• “Azərbaycanın rəngləri: Multikulturalizm diyarı” adlı fotosərgi açıldı
• ...Tanrıdan yazılantək
• Təvəllüdü "Quran"a yazılan Xalq şairi kimdir?