Bu günlərdə nüfuzlu “Epubil” və “Pem” nəşriyyatları Elçinin hekayələrindən ibarət daha iki kitabını nəfis şəkildə nəşr edib.

Kulis.az xəbər verir ki, “Sarı gəlin” adlı kitaba müəllifin eyni adlı hekayəsi ilə bərabər, bir sıra məşhur əsərləri, “Missiya” adlı kitaba isə onun son illərdə yazdığı hekayəlr toplanmışdır Kitablarda ədibin həyat və yaradıcılığı haqqında geniş məlumat verilmişdir.

Həm “Epubil”, həm də “Pen” nəşriyyatlarının nəşr etdiyi əsərlər Avstriya və İsveçrə kitabxanaları tərəfindən alınır, eləcə də Amazon, Buchkatalog, Thalia, Higendubel, Veltbild kimi Avropanın ən məşhur internet satış firmaları da bu kitabları əldə edir.

Xatırladaq ki, alman oxucuları Xalq yazıçısı Elçinin əsərləri ilə yaxından tanışdırlar. Onun “Mahmud və Məryəm”, “Ağ dəvə”, “Ölüm hökmü”, “Baş” romapnı Almaniyada bir neçə dəfə nəşr edilmişdir. Eləcə də Xalq yazıçısının hekayələri və povestləri toplanmış kitabları ölkənin müxtəlif nəşriyyatlarında işıq üzü görmüşdür. Elçinin seçilmiş pyeslərindən ibarət kitabı da almanq oxucularına təqdim edilmişdir. Onun dramaturgiyası nəsr əsərləri ilə birlikdə, görkəmli ədibin yaradıcılığı haqqında alman oxucularında dolğun təsəvvür yaratmışdır.

Hər iki kitabdakı əsərləri türkoloq K.Hermann Kiehl alman dilinə tərcümə etmişdir.

• Müşfiq Abbasovla görüş keçirilib
• Dumbadzenin “Kykaraça”sı Gəncə səhnəsində
• Tanımal Mustafa - İkinci Mahmudun hekayəsi